«Чекловлар пайтида шифохоналардаги электрни иложи борича ўчирмаслик кўзда тутилган» — Жўрабек Мирзамаҳмудов

Ўзбекистон бош вазири ўринбосари — энергетика вазири Жўрабек Мирзамаҳмудов энергия таъминотидаги узилишлар юзасидан жамоатчиликка мурожаат қилиб, ҳолатга изоҳ берди.

Шифохоналар, туғруқхоналарда электр энергиясидан узилишлар кузатилмоқда, улар қўшимча трансформаторлар билан таъминланмаганми?

— Электр энергиясига чекловлар киритилганда касалхоналар, шу каби муассасаларни иложи борича, максимал равишда чекловларга киритмаслик кўзда тутилган. Лекин аварияли ўчиш ҳолатларида барча шифохоналарда дизель генератори, яъни муқобил энергия таъминоти бўлиши шарт. Буни ҳукумат комиссияси, жойлардаги тегишли ишчи органлар доимий равишда назорат қилиб боряпти.

Масалан, куни кеча ўтказилган ўрганиш ишларида Фарғона водийсидаги жуда кўп шифохоналарда генераторлар йўқ экани ёки таъмирталаб экани аниқланди. Ҳозир тегишли ҳукумат фармойиши тайёрланиб, соғлиқни сақлаш тизимига ажратилган маблағлар доирасида генераторларни таъминлаш чоралари кўриляпти, — дейди Жўрабек Мирзамаҳмудов.

Мавзуга доир:

• Ўзбекистонда январдаги каби блекаут такрорланиши мумкинми? Энергетика вазири бунга аниқлик киритди
• «Бензин нархларини асоссиз оширган, маркасини алдаб сотган АЁҚШларга чора кўрилади» — энергетика вазири
• «Электр ёки газдан ноқонуний фойдаланиш ҳолати ҳақида хабар берганларни рағбатлантириш керак» — энергетика вазири ўринбосари