Долларнинг асосий жаҳон валюталарига нисбатан қадрсизланиши туфайли душанба, 5 декабрда олтин нархи барқарорлашди. Кун якунида эса 4 ойлик энг баланд кўрсаткичга етди. Бу ҳақда «Интерфакс» хабар берди.
Нью-Йорк товар биржасида февраль ойидаги олтин шартномалари котировкалари 0,1 фоиздан камроқ — троя унцияси учун 1 809,4 долларга тушди.
Сессия давомида котировкалар бир унция учун 1 822,9 долларни ташкил этиб, тўрт ойлик энг юқори кўрсаткичга етди.
MarketWatch такидлашича, ўтган ҳафтада энг фаол сотилган олтин фьючерслари июнь ойидан бери биринчи марта 200 кунлик ўртача кўрсаткичдан ошиб кетди.
Март ойида етказиб бериладиган кумуш унция учун 23,24 долларни ташкил этади.
Палладий 0,7 фоизга ошиб, унцияси 1 914 долларни ташкил қилди, платина эса 0,5 фоизга ошиб, унцияси 1 031,8 долларни ташкил қилди.
Аввалроқ олтин нархи яна кўтарилиб, март ойидан бери биринчи марта ойни ўсиш билан якунлагани ҳақида хабар берилганди.
Изоҳ (0)