Россиянинг «Росатом» давлат корпорацияси Ўзбекистон билан нафақат ядро соҳасида, балки юқори технологиялар соҳасида ҳам ҳамкорликни, жумладан, қўшма композит кластер яратиш бўйича ишларни ривожлантирмоқда. Бу ҳақда «Росатом» бош директори Алексей Лихачев маълум қилди.
Биз нафақат ядровий масалалар билан чекланиб қолмай, балки юқори технологиялар соҳасида фаол ҳамкорлик қилмоқдамиз. Хусусан, бу ерда Ўзбекистон ҳудудида ҳар икки давлатимиз манфаатларини кўзлаб, қўшма композит кластер яратмоқчимиз, — дейди у.
Лихачев россиялик ва ўзбекистонлик мутахассислар «бир катта Совет ядро олимлари оиласидан» чиққанини таъкидлади.
Ўзбекистон шу маънода ҳам илм-фан, ҳам уран қазиб олиш бўйича ядро оиласи аъзоси, — дея қўшимча қилди у.
Аввалроқ Ўзбекистондаги тадқиқот реактори учун «Росатом» ядро ёнилғиси етказиб бериши ҳақида хабар берилган эди.
Изоҳ (0)