Отасиз болалик, эркакларга ишончсизлик: «Фазилат хоним ва қизлари» сериали юлдузи Афра Сарачоғлу ҳақида қизиқарли маълумотлар

«Фазилат хоним ва қизлари», «Ҳолаваччалар» сериали орқали томошабинларнинг қалбидан жой олган турк актрисаси Афра Сарачоғлу 2 декабрь куни 25 ёшни қарши олди. «Lisa.ru» нашри шу муносабат билан актрисанинг ҳаёти ва ижодига оид қизиқарли маълумотларни тақдим этди.

Миллати 

Актрисанинг кўплаб мухлислари унинг миллати билан қизиқади, чунки Афранинг ташқи кўриниши турк аёлларига хос эмас. Машҳур актрисанинг отаси ва онаси турк, бироқ унинг аждодларидан бири бошқа миллат вакили ҳисобланади. Афра эса бу ҳақда гапирмаган.

Отасидан нафратланади

Сарачоғлу ота-онаси ажрашганида жуда ёш бўлган. Шундан кейин актрисанинг отаси қизининг ҳаётига кирмади, онаси эса ўзини ва қизини таъминлаш учун бир нечта ишларда ишлашига тўғри келди. Афра отасидан нафратланади ва ҳозирда у ҳақда ҳеч нарсани билишни хоҳламайди.

Ёшлигидан ишлаган актриса

Бўлажак актриса онасига ёрдам бериш ва ҳеч бўлмаганда ҳаётини бироз осонлаштириш учун ярим кунлик иш қидириши керак бўлган.

 Кино оламидаги орзулар

Афра болалигидан актриса бўлишни орзу қилган. У турли хил образларни синаб кўрди, саҳналаштирди, оиласи ва дўстлари олдида чиқиш қилди. Афра бир кун келиб орзуси рўёбга чиқишига ишонди, шунинг учун Anadolu университетига ўқишга кирди ва у ерда актёрлик маҳорати бўйича таҳсил олди.

Омадли имконият

Афра фильмдаги дебютини продюсер Ўзжан Денизнинг ижтимоий тармоғидаги «Иккинчи имконият» фильмига кастинг ҳақида гапирган постини кўрган онаси туфайли қилган. Афранинг онаси Ўзжанга хат ёзиб, актриса бўлишни орзу қилган қизи ҳақида гапириб берган.

Сарачоғлу кастингга таклиф қилинган. У кастингга онаси билан эрталаб соат бешда борган, бироқ тушликдан кейин синовдан ўтишга кирган. Афра синовни муваффақиятли топширган ва иккинчи даражали ролни олган. У шу орқали кинога кириб келган.

Энг яхши роллари

Сарачоғлу кейинги лойиҳада, яъни «Ёмон йигит» сериалида бош ролни ижро этди. Актриса «Фазилат хоним ва қизлари» сериали суратга олинганидан кейин машҳурликка эришди ва у ушбу лойиҳада ҳам бош қаҳрамонлардан бирини гавдалантирди.

Юқори рейтингли лойиҳаси

Ҳозирда актриса юқори рейтингга эга бўлган «Yalı Çapkını» телесериалида суратга тушмоқда. Турк фильмлари мухлислари лойиҳанинг машҳур «Эшигимни қоқ» сериалидан, Афра эса Ханде Эрчелдан устун туриши учун барча имкониятларга эга эканига ишончи комил.

Эркакларга ишончсизлик

Афра худди отаси каби унга хиёнат қилишларидан қўрқиб, эркаклар ва йигитларга ишонмаганлигини айтган.

Шахсий муносабатлар

Сарачоғлу узоқ вақт давомида шахсий ҳаёти ҳақида гапирмаган ва шу билан бирга, унинг сериалдаги ҳамкасблари, жумладан, «Фазилат хоним ва қизлари» сериалида бирга суратга тушган Чағлар Эртуғрул билан муносабатлари ҳақида миш-мишлар тарқалган эди.

Бироқ актрисанинг севгилиси Мерт Язижиўғлу бўлиб чиқди, Афра билан тушган суратларини тез-тез ижтимоий тармоқларда жойлаштирмоқда. Афранинг сўзларига кўра, актриса у билан учраша бошлаганидан кейин ҳамма эркаклар ҳам хиёнат қилмаслигини тушуна бошлаган.

Севимли машғулоти

Афра Сарачоғлу бўш вақтида спорт билан шуғулланишни, айниқса, волейбол ўйнашни яхши кўради.

Мавзуга доир: «Фазилат хоним ва қизлари» юлдузи Афра Сарачоғлу актриса эканлигидан афсусланиши ҳақида сўзлаб берди.