Бугун,

  • USD 11095.31
  • RUB 173.84
  • EUR 10772.44

Эрон ҳукумати «Моссад» Исроил разведка хизмати билан ҳамкорлик қилишда айбланган тўрт кишини қатл қилди. Бу ҳақда IRNA агентлиги хабар берди.

Фото: Islam today

Фото: Islam today
Тўрт эркак — Ҳусайн Ўрдухонзода, Шоҳин Имани Маҳмудобод, Милад Ашрафи Атботан ва Манучеҳр Шоҳбанди Бежанди июнь ойида Ислом инқилоби посбонлари корпуси томонидан ҳибсга олинганди. Эрон расмийларининг даъвосига кўра, улар «Моссад» зобитлардан қуролларни қандай қўллаш ва одамларни ўғирлаш бўйича таълим олган. Уларга гўёки Исроилдан криптовалютада пул тўланган.

Эрон ҳукумати «Моссад» агентларини аниқлаш бўйича операциялар ҳақида мунтазам равишда ҳисобот бериб туради. Май ойида Ислом инқилоби посбонлари корпуси Исроил махсус хизматларида ишлагани айтилган гуруҳнинг тугатилгани ҳақида эълон қилганди. Қайд этилишича, гуруҳ аъзолари одамларни ўғирлаб, гувоҳлик беришга мажбурлаган, шунингдек, шахсий ва жамоат мулкини йўқ қилган.

Апрель ойи охирида эса Эрон ҳукумати Исроилнинг уч агенти ҳибсга олинганини маълум қилди. Март ойида Эрон Ироқ Курдистони пойтахти Эрбилга уюштирилган ракета ҳужуми учун жавобгарликни ўз зиммасига олди. Зарбалар нишони «Моссад»нинг икки маркази бўлган.

Изоҳ
Асосий янгиликлар
Маҳаллий
Қўшимча талаб этиладиган 37,5 минг тонна пиёз 1 апрелга қадар ички бозорларга киритилади
Маҳаллий
“YouTube’даги обуначиларимиз сони МДҲ мамлакатлари ИИВ каналлариникидан ҳам кўп” — Шоҳрух Ғиёсов ИИВнинг медиамакондаги фаолияти ҳақида гапирди
Маҳаллий
Тошкентда йўловчи автобус ёниб кетди