Бугун,

  • USD 11095.31
  • RUB 173.84
  • EUR 10772.44

Ekseter университетида олиб борилган тадқиқотлар шуни исботладики, қишда ҳаддан ташқари кўп овқатланиш ва совуқ ойларда озиқ-овқат ҳақида доимий ўйлаш инсон биологияси, аниқроғи, эволюцияси тарихи билан белгиланадиган ҳолатдир. Қадим замонларда ота-боболар куз-қиш мавсумида озиқ-овқатнинг кескин камайишига дуч келган, шунинг учун улар доимо керакли миқдорда озиқ-овқат захирасини тўплашга ҳаракат қилган, яъни бир вақтнинг ўзида одатдагидан кўпроқ овқатланган. Олимларнинг таъкидлашича, тез орада бундай парҳез одат тусига кирди ва кейинчалик аста-секин генетик жиҳатдан ўрнатилган хатти-ҳаракатлар стратегиясига айланди, деб ёзади Marie Claire.

Фото: Marie Claire

Фото: Marie Claire

Аммо бу кечки оқшом музлаткичда бир стакан какао ва круассан билан ўзимизни оқлашимиз мумкинлигини англатмайди. Биздан фарқли ўлароқ, қишда ота-боболаримиз иссиқ мавсумга қараганда кўпроқ калория сарфлаган. Албатта, вазнни назорат қилишнинг экстремал усулларини синаб кўриш тавсия этилмайди. Бунинг ўрнига вазн ортиши хавфини камайтирадиган бир қатор оддий, аммо самарали лайфхакларга эътибор қаратиш мумкин.

Тушлик ёки кечки овқат учун паст калорияли шўрва

Фото: Marie Claire

Фото: Marie Claire

Агар Пенн Стате университети тадқиқотига мурожаат қилинса, бу масалага жиддийлик билан ёндашиш керак. Маълум бўлишича, агар тушлик ёки кечки овқатдан олдин озгина шўрва истеъмол қилинса, ундан кейин анча кам калория истеъмол қилинади. Тадқиқотлар шуни кўрсатдики, бу фарқ тахминан 20 фоизни ташкил қилади. Фақат паст калорияли шўрва ёки оддий бульонни танлашга ҳаракат қилиш керак, яъни мазали, аммо жуда юқори калорияли қаймоқли шўрвалар кечки овқатни енгиллаштирмайди.

Ҳар қандай вазиятда ўсимлик чойи ичинг

Термометр нолдан пастга тушиши билан инсон камроқ чанқай бошлайди. Натижада намлик етишмаслиги туфайли организмда жиддий стрессга дучор бўлади ва буни ҳатто сезмаслик ҳам мумкин. Айтганча, очлик ҳужуми сифатида қабул қиладиган овқатланиш истаги кўпинча организмга зудлик билан сув кераклигини кўрсатади. Агар бундай ҳолат сурункали бўлиб қолса, унда метаболизмнинг сифати ва интенсивлиги сезиларли даражада камаяди. Бу фақат вазн ортиши хавфини англатади.

Фото: Marie Claire

Фото: Marie Claire

Шунинг учун мутахассислар совуқ ойларда, агар аллергия ёки бошқа таъсирлар бўлмаса, иложи борича кўпроқ ўсимлик чойи ичишни тавсия қилади. Маълумки, кўк, қора, мойчечак чойи иштаҳани нормаллаштиришга ёрдам беради.

Совуқ сув ичинг

Одатда тана ҳароратидан пастроқ суюқлик ичилганда, организм уни иситиш учун қўшимча калорияларни сарфлайди. Натижада қишда вазн йўқотиш қийин эмаслиги маълум бўлади.

Оқсилга бой нонуштани одат қилинг

Фото: Marie Claire

Фото: Marie Claire

Эрталабки овқатлар углеводларга бой экани маълум ва қишда бунинг барчаси қомат учун зарарли, айниқса, фаол ҳаёт тарзи билан шуғулланмайдиганлар учун. Тадқиқотлар шуни кўрсатдики, оқсилга бой нонушта иштаҳани назорат қилишга ёрдам беради ва газаклар истеъмол қилишнинг олдини олади.

Ширинликлар истеъмол қилинг, фақат фойдалисини

Шакар, крахмал ва шунга ўхшаш нарсалар юрак касалликларининг асосий айбдорлари ҳисобланади. Шунинг учун қишда печенье ва шоколад истеъмол қилишни тўхтатиб, мавсумий сабзавотлардан энг фойдали ва мазалиларини тановул қилиш яхшироқдир.

Изоҳ
Асосий янгиликлар
Маҳаллий
Ота боласини, ака укасини танимайди, чанг-тўзон, терлаб-пишиб ҳар ким улоқни тақимига босиш қайғусида” — Пискентдаги кўпкаридан фоторепортаж
Маҳаллий
Ўрта Чирчиқда 400 нафар ўқувчи мактаб биноси олиб қўйилгани сабаб дарсга боролмаётгани хабар берилди. Зоир Мирзаев ҳолатга эътибор қаратди
Маҳаллий
Туркиядаги даҳшатли зилзилада 3 419 киши ҳалок бўлди — воқеа тафсилотлари (видео)