Фарғона вилояти Данғара туманида 26 ноябрь куни ўзгага тегишли автомашинани олиб қочган шахс қўлга тушди. Бу ҳақда Тергов департаменти хабар қилди.
Қайд этилишича, шу куни соат 02:00 ларда номаълум шахс транспорт воситасини олиб қочиш мақсадида Данғара тумани Тошкент кўчасидаги автомашиналарни таъмирлаш устахонаси ёнига келган. У ердаги 43 ёшли Р.Р.га тегишли эски Mercedes-Benz автомашинани эшиклари қулфланмаган, очиқ ҳолда, қаровсиз қолдирилганидан, атрофда ҳеч ким йўқлигидан фойдаланиб, олиб қочган.
Тергов-тезкор ҳаракатлари натижасида ушбу жиноят Ўзбекистон туманида яшовчи 33 ёшли К.А. томонидан содир этилгани аниқланган. Машина туманнинг Янгиобод кўчасидан топилган ва ашёвий далил тариқасида расмийлаштириб олинган.
Ҳолат юзасидан К.А.га нисбатан Жиноят кодексининг 267-моддаси 1-қисми (транспорт воситасини олиб қочиш) билан қўзғатилган жиноят иши бўйича ушбу модда билан айб эълон қилиниб, қамоққа олиш тарзидаги эҳтиёт чораси қўлланган.
Ҳозирда тергов ҳаракатлари давом эттирилмоқда.
Изоҳ (0)