Қодиров чечен ҳарбийларининг шафқатсизлиги ҳақида гапирган Рим папасини «пропаганда қурбони» деб атади

Чеченистон раҳбари Рамзан Қодиров Рим папаси Францискнинг чеченлар ва бурятларни Украинадаги урушнинг «энг шафқатсиз» иштирокчилари деб атаган сўзларига муносабат билдирди.

«Дунёга машҳур диний шахс учун мусулмонларнинг душманга муносабати ҳақида билмаслик уят», — деб ёзди Қодиров ўзининг Telegram-каналида ва папани «хорижий ОАВлар пропагандасининг қурбони» деб билишини қўшимча қилди.

Биз пайғамбаримиз Муҳаммад (с.а.в.) сингари аввал тинчлик таклиф қилмасдан уруш бошламаймиз. Ва буни махсус ҳарбий операция бошидан бери, эҳтимол ўнлаб марта таклиф қилдик. Чеченларнинг асирларга муносабати шафқатсизми ёки йўқ, бу ҳақда бизда асирликда бўлган Украина ҳарбийларининг ўзлари айтиб беради.

Ҳа, биз Ватанимизни, динимизни, халқимизни ҳимоя қилишга астойдил киришамиз. Душманни таслим бўлишга, фуқароларимизни ўзини ҳимоя қилишга чақирамиз. Бу шафқатсизликми? — дея қайд этган Қодиров.

Аввалроқ Россиянинг Ватикандаги элчиси Александр Авдеев Рим папасиннинг баёнотларига қарши расмий норозилик билдирган ва «бундай иғволардан ғазабланганини» маълум қилганди. Францискнинг мулоҳазаларини Бурятия раҳбари Алексей Сиденов «ғайриоддий», Чеченистон парламенти спикери Магомед Даудов эса «бурунги» деб атаган.

Мавзуга доир: