Франция президенти Эммануэль Макрон АҚШга уч кунлик расмий ташриф билан келди. Бу ҳақда France24 телеканали хабар бермоқда.
«Макрон Вашингтон ташқарисидаги ‘Эндрюс’ қўшма базасига қўнди, у икки кун пойтахтда бўлиб, сўнг Ню-Орлеанга ташриф буюради», — дейилади хабарда.
Яқин орада Макрон америкалик ҳамкасби Жо Байден билан учрашади. Давлат раҳбарлари нафақат Украинадаги можаро ва Ҳинд-Тинч океани минтақасидаги вазиятни муҳокама қилиши, балки Байден томонидан жорий йилнинг август ойида имзоланган АҚШда Инфляцияни камайтириш (ИРА) тўғрисидаги қонунига ҳам тўхталиши кутилмоқда. Хусусан, қонун Америкада ишлаб чиқарилган электромобиллар учун субсидиялар ажратишни назарда тутади, бу январь ойидан бошланади. Нашр қайд этишича, бундай чоралар Европа компаниялари, жумладан, Германиянинг BMW ёки Франциянинг Renault компаниялари учун салбий оқибатларга олиб келади.
Нашрнинг ёзишича, Макрон Байденни қонунни юмшатишга кўндирмоқчи. «Менимча, бу Жаҳон савдо ташкилоти меъёрларига зид ва дўстона ҳам эмас», — деб фикр билдирган Франция раҳбари ИРАнинг қабул қилинишига.
Изоҳ (0)