АҚШ ҳукумати томонидан Европадан АҚШга компанияларни жалб қилиш бўйича режалаштирилаётган чора-тадбирлар савдо урушини келтириб чиқариши мумкин. Бу ҳақда француз макроиқтисодчиси, профессор Оливье Бланшард огоҳлантирди.
АҚШ ҳукумати дастурларида компанияларни Атлантика океанининг нариги томонига жалб қилиш учун ажратилаётган субсидиялар жиддий ташвиш уйғотмоқда. Мен савдо уруши рўй беришидан қўрқаман, — деди иқтисодчи Le Monde газетасига берган интервьюсида.
Бланшарднинг сўзларига кўра, заводлар АҚШга кўчиб ўтиш учун ишлаб чиқаришни ёпса, Франция ва бошқа мамлакатлар ўз саноатини ҳимоя қилиш учун жавоб чораларини кўради.
Бундай савдо уруши барчага қимматга тушади, — дея огоҳлантирди у.
Иқтисодчининг фикрича, бундай сценарий жаҳон иқтисодиётида интеграцияга таянган ривожланаётган давлатлар учун ҳақиқий фалокат бўлиши мумкин.
Ўтган ҳафта Франция ва Германия Европа саноатини рақобат қоидаларини бузувчи янги АҚШ қонунчилиги таъсиридан ҳимоя қилиш учун биргаликда ишлашга келишиб олди.
Франция—Германия иқтисодий музокаралари якунлари бўйича 22 ноябрь куни сўзга чиққан Франция Иқтисодиёт вазири Бруно Ле Маире Европа Иттифоқи вакиллари 5 декабрь куни Вашингтонга ташриф буюриб, АҚШнинг Инфляцияни пасайтириш тўғрисидаги қонуни юзасидан Европанинг хавотирларини билдирганди.
У Европа Иттифоқи ҳамкорларини Европа саноатини самарали ҳимоя қила оладиган чораларни қабул қилишдан воз кечмасликка чақирди.
Дипломатик кузатувчиларга кўра, АҚШнинг европаликлар манфаатларини бузувчи қонунчилиги масаласи ҳам келаси ҳафта расмий ташриф билан Америка пойтахтига жўнаб кетадиган Франция президенти Эммануэль Макроннинг Вашингтондаги музокараларининг асосий мавзуларидан бири бўлади.
Мазвуга доир:
Изоҳ (0)