Бугун,

  • USD 11095.31
  • RUB 173.84
  • EUR 10772.44

Қосим-Жўмарт Тўқаев Остонада бўлиб ўтган инаугурация маросимида қасамёд қабул қилиб, президент лавозимига киришгани ҳақида хабар берилган эди. Қозоғистондаги маҳаллий оммавий ахборот воситаларининг ёзишича, Остонада фуқаролар қайта сайланган президентнинг инаугурациясига қарши намойишга чиқди.

Кадр: Telegram

Кадр: Telegram

Ижтимоий тармоқларда полициянинг митинг ўтказиладиган жойга етиб боргани ва намойишчиларни ҳибсга олишни бошлагани акс этган кадрлар тарқалмоқда. Қайд этилишича, митинг иштирокчилари «Керуэн City» савдо маркази яқинида тўпланган.

Шаҳарда интернет билан боғлиқ муаммолар ҳам юз берган. Миллий хавфсизлик қўмитаси Давлат техника хизмати эса Остона шаҳри ва Оқмўла вилоятидаги интернет шлюзлари электр таъминоти ускунасида авария содир бўлгани сабабли телекоммуникация қурилмаларида носозликлар қайд этилганини билдирган.

Қўшимча қилинишича, ҳозирда тизимдаги носозлик бартараф этилган ва алоқа одатдаги тартибда ишламоқда.

Маълумот учун, 20 ноябрь куни Қозоғистон президентлигига навбатдан ташқари сайловларда ғолиб бўлган Қосим-Жўмарт Тўқаев мамлакат халқига қасамёд қабул қилди ва давлат раҳбари лавозимига расман киришди.

26 ноябрь куни эрталаб бўлиб ўтган инаугурация маросимида Тўқаев Қозоғистонда президент сайловлари адолатли ва очиқчасига бўлиб ўтганини айтди. Етти йил муддатли бир марталик президентликка ўтиш эса сиёсатчиларнинг янги авлодига йўл очиб беради, деди у.

Тўқаев қайта сайланганидан кейинги биринчи сафарини Россияга уюштириши кутилмоқда. 28 ноябрь, душанба куни у Москвага бориб, Путин билан музокаралар ўтказади ва ҳужжатлар имзолайди, дейилади «РИА Новости» хабарида.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов