Қашқадарё вилояти Шаҳрисабз шаҳрида Isuzu ва Cobalt иштирокида йўл-транспорт ҳодисаси содир бўлди. Ҳолат юзасидан вилоят фавқулодда вазиятлар бошқармаси маълумот берди.
Аниқланишича, 25 ноябрь куни соат тахминан 18:25 да қутқарув хизматига Шаҳрисабз шаҳри Катта навқат кўчасида дарахт ёнаётгани тўғрисида хабар келиб тушган.
Шундан сўнг 4-ёнғин-қутқарув қисмидан Isuzu ёнғин-қутқарув машинаси воқеа жойига ҳаракатланиб бораётган вақтида шаҳарнинг Ипак йўли ва Тарағай Баҳодир кўчалари чорраҳасида қарама-қарши йўналишдан ҳаракатланиб келаётган Cobalt илан йўл транспорти ҳодисаси содир этилган.
Оқибатда Cobalt автомобили ҳайдовчиси тан жароҳати олиб, шифохонага ётқизилган.
Ҳолат бўйича суриштирув ишлари олиб борилмоқда.
Мавзуга доир:
Изоҳ (0)