Хоразм вилояти Боғот туманида имтиёзли кредит олиб беришни ваъда қилган шахслар ушланди. Бу ҳақда Иқтисодий жиноятларга қарши курашиш департаменти ахборот хизмати хабар бермоқда.
Бош прокуратура ҳузуридаги департаментнинг Боғот тумани бўлими томонидан тезкор тадбир ўтказилган. Унда «Н.К.» МЧЖ раҳбари Х.Х. ва «Л.Т.» МЧЖ раҳбари Н.Х. фуқаро А.Ж.нинг ишончига кириб, унга танишлари ёрдамида қисқа фурсатда тижорат банки филиалидан 300 миллион сўм имтиёзли кредит олиб бериш эвазига 30 млн сўмни олган вақтларида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)