Футбол бўйича ЖЧ—2022 1-турида Португалия ва Гана терма жамоалари 24 ноябрь, пайшанба куни ўзаро тўқнаш келди.
Учрашувнинг биринчи бўлими португалияликларнинг устунлиги остида ўтди, бироқ танаффусга қадар гол бўлмади. Иккинчи бўлим голларга бой бўлди.
65-дақиқада Криштиану Роналду ўзи ишлаб олган пенальтини голга айлантирди. Бунга ганаликлар 73-дақиқада Андреа Айюнинг голи билан жавоб қайтарди.
78-дақиқада Жоау Феликс португалияликларнинг иккинчи голини урган бўлса, орадан икки дақиқа ўтиб, Рафаэл Леау ҳисобни ишончли кўринишга олиб келди. 89-дақиқада Осман Букари ҳисобни яна қисқартирди. Қолган вақтда ҳисоб ўзгармади.
Шу тариқа Португалия уч очко билан гуруҳ пешқадамига айланди. Уругвай ва Жанубий Корея ҳисобида биттадан очко бор.
ЖЧ—2022
1-тур баҳси
24 ноябрь, пайшанба
Португалия — Гана 3:2
Голлар: 1:0 – 65, пенальти Роналду, 1:1 – 73 Айю, 2:1 – 78 Жоау Феликс, 3:1 – 80 Рафаэл Леау, 3:2 – 89 Букари.Португалия: Диогу Кошта, Жоау Канселу, Данилу Перейра, Рубен Диаш, Геррейру, Отавио (Вильям Карвалью, 56), Бернарду Сильва (Палиня, 88), Рубен Невеш (Рафаэл Леау, 77), Бруну Фернандеш, Роналду (Гонсалу Рамуш, 88), Жоау Феликс (Жоау Мариу, 88).
Гана: Ати-Зижи, Сейду (Лэмпти, 66), Жику (Семено, 90), Амарти, Салису, Баба, Парти, Кудус (Букари, 77), Абдул-Самад (Кере, 90), Айю (Айю, 77), Уильямс.
Огоҳлантиришлар: Кудус (45), Айю (49), Сейду (57), Уильямс (90), Данилу Перейра (90), Бруну Фернандеш (90).
Изоҳ (0)