Кўпчилик оқарган сочларни яширмаслик учун катта жасорат ва ўзига ишонч керак деб ҳисоблайди. Бироқ кул ранг сочлар ҳар қандай аёлга жозиба бағишлайдиган чиройли аксессуар эканлигини исботловчи аёллар бор. Қуйидаги қаҳрамон буни ўз мисолида тасдиқлаши мумкин.
Керолайн Лабушер ҳақиқатан ҳам бахтли эмасди
Керолайн Лабушер Лондонда туғилган. Болалигида отаси уни ташлаб кетган, шунинг учун қиз ўзига нисбатан ишончсизлик билан катта бўлади. 2 фарзанди бор 30 ёшли она ўзининг гўзаллиги ва жозибадорлигини англамасди. У аллақачон оқара бошлаган сочларини бўяш орқали кексаликка қарши курашарди.
Мен ойнага унчалик қарамасдим. Менимча, ҳатто тўй кунимда ҳам ўзимни гўзал ҳис қилмаганман. Ёшлигимда кимдир мени суратга олаётганини кўрсам, доим юзимни тескари ўгирардим. Ўзимни ҳеч қачон ҳозиргидек гўзал ҳис қилмаганман.
Унинг ҳаётдаги режалари жуда оддий эди. У интервьюсида айтганидек:
Мен мактабни ёқтирмасдим, 16 ёшимда ўқишни ташладим. Le Cordon Bleu мактабида пазандачилик ва тикувчилик курсида ўқидим. Менда ҳеч қандай касбий режалар йўқ эди, фақат саёҳат қилишни, турмуш қуришни ва оилали бўлишни хоҳлардим.Бир воқеа аёлнинг ҳаётини бутунлай ўзгартириб юборади.
Умидсизлик ва ўзига нисбатан ишончсизлик бутун умри давомида Лабушерни таъқиб қилгандек туюлади — бирдан аёл ўзига бошқа кўз билан қараш имконига эга бўлади.
2017 йилнинг ноябрида унинг модель бўлиб ишлайдиган қизи Амелия хўжайини сочи оқарган модель қидираётганини айтиб қолади. «Мен модель эмасдим, лекин сочларим оқ эди», деб эслайди Лабушер.
Ҳозирда ўша бахтли воқеадан йиллар ўтиб, Лабушернинг суратлари Британиянинг Vogue журналида чоп этилмоқда.
Оқарган сочлар унинг ҳашаматли аксессуарига айланди.
Лабушер 40 ёшдалигида ташқи кўринишини нормал деб ҳисоблаган ва қариш билан курашишга бор кучини сарфлаган. Аёл оқарган сочларини бўяган, реклама қилинган қаришга қарши кремлардан фойдаланган, юзни парвариш қилган, ботокс ва филлердан укол олган.
Аммо 2017 йилда модель бўлиш имконияти туфайли Керолайн ниҳоят ўзини қабул қилди. У шундай дейди:
Мен қари кўринишни хоҳламасдим. Аммо ҳозир 20-30 ёшимга қараганда анча ишончли ва жасурроқман. Тадбирларга ёлғиз бораман ва деярли ҳамма нарсага «ҳа» дейман. Менимча, эркаклар ҳали ҳам ёш аёлларни яхши кўришади. Мен ҳозирда ҳам эътиборни торта оламан, лекин мени қари дея кўрманг.Бошқа бир интервьюсида Лабушер ўзининг табиий гўзаллигини қуйидагича таърифлаган: «Менимча, ёшим ўтган сайин яхши кўринишни бошладим. Негадир кул ранг сочларим менга ишонч бағишлайди».
Ҳозир Лабушер ҳаётдан завқланиб, аёлларга амалий маслаҳатлар бермоқда.
Ижтимоий тармоқдаги таржимаи ҳолида Лабушер шундай деб ёзган:
Мен ҳар доим ўзимни кўрсатишдан қўрқардим. 58 ёшимда, ниҳоят, мен бунга эришдим.У ўзининг кул ранг сочлари билан фахрланади ва машҳур журналлардаги кўриниши билан одамларни ҳайратда қолдиришдан тўхтамайди.
У турмуш ўртоғи Дэвид билан бирга кўп қийинчиликларни бошдан кечирган, аммо ҳозир улар Дубайда яшайди ва ҳаётдан тўлиқ завқланишади. Модель бугунги куни билан яшайди, ҳатто келажак учун катта режалар тузмайди.
Лабушер яхши косметолог топиш ва таркибида ретинол бўлган маҳсулотлардан фойдаланиш муҳимлигини таъкидлайди. У доимий равишда декоратив косметикадан фойдаланишга қарши ва кундалик макияжни ёшларнинг ҳақиқий душмани деб ҳисоблайди. Керолайн камдан кам ҳолларда бўянади ва кўп шакар истеъмол қилмайди. Бундан ташқари, у барча аёлларга фаол ҳаёт тарзини олиб боришни ва ўзларини севишни тавсия қилади.
Мавзуга доир:
- Ажинлардан ҳуснбузарларгача: терини мукаммал ва ёш кўринишига ёрдам берадиган маҳсулотлар
- Спорт, тўғри овқатланиш ҳамда ўз устида ишлаш: 76 ёшли хонанда Шер гўзал ва ёш кўриниш сирлари билан бўлишди
- Косметик воситалардан воз кечиш вақти келганини қандай аниқлаш мумкин?
- Ҳар доим мукаммал кўринадиган араб маликаларидан гўзаллик сирлари
Изоҳ (0)