«Форсаж-10» фильмининг суратга олиш жараёнларига қанча маблағ сарфланиши маълум қилинди, деб хабар бермоқда «Фильм.ru» нашри.
Манбаларга кўра, Универсал студияси фильм учун тахминан 340 миллион доллар ажратган. Эълон қилинган қиймат 2021 йилда катта экранларга чиққан «Форсаж-9» бюджетидан 70 фоизга қимматроқ. Нархларнинг ошишига инфляция, пандемия, Доминик Торетто ролини ижро этган актёр Вин Дизель ва унинг ҳамкасблари: Мишел Родригес, Бри Ларсон, Жейсон Момоа, Шарлиз Терон, Жон Сина ва Жейсон Стейтемнинг маоши ошгани сабаб бўлиши мумкин.
Баҳорда «Форсаж» фильмининг режиссёри ўзгарди: бу лойиҳага бошчилик қилаётган Жастин Лин актёр Дизель билан келишмовчиликлар туфайли суратга олиш жараёнларида лойиҳани тарк этди. Студия унинг ўрнига «Алдов иллузияси» фильми режиссёри Луи Летерерни ишга олди.
«Форсаж-10» фильми 2023 йилнинг 19 май санасидан бошлаб кинотеатрларда намойиш этилиши режалаштирилган. Тасдиқланмаган маълумотларга кўра, фильмнинг бу қисми «Форсаж» кинокартиналари орасидаги энг қиммат қисми бўлади. Фильмнинг барча қисмлари 2001 йилдан буён 6,6 миллиард доллар маблағ йиғган. «Форсаж» фильмининг сўнгги, яъни 11-кинокартинаси 2024 йилда катта экранларга чиқади.
Мавзуга доир:
- Лос-Анжелесда «Форсаж» фильмининг янги қисми суратга олинишига қарши митинг бўлиб ўтди: Аҳоли ўз хавфсизлигидан хавотирда.
- Вин Дизель Дуэйн Жонсондан «Форсаж»га қайтишини сўради. Актёрлар франшизанинг 8-қисми суратга олиш жараёнида уришиб қолган эди.
- Кўз ёшларни тийиш мушкул: «Форсаж» юлдузлари Вин Дизель ва Пол Уокернинг дўстлик ҳикояси.
- «Форсаж» юлдузи Дуэйн Жонсон, Алек Болдуин билан боғлиқ фожиадан кейин суратга олиш жараёнида ҳақиқий қуролдан фойдаланмасликка қарор қилди.
Изоҳ (0)