Оливье Жиру Франция терма жамоасида Анрининг афсонавий рекордини такрорлади

Франция терма жамоаси ҳужумчиси Оливьер Жиру ЖЧ—2022 1-тури доирасида Австралияга қарши кечган баҳсда (4:1) дубль муаллифига айланди.

Бу Жиру учун Франция термасидаги 50 ва 51-голлар бўлди. Бу орқали футболчи жамоа тарихидаги энг яхши тўпурар Тьерри Анрининг рекордини такрорлади. Анри ҳисобида ҳам 51 та гол мавжуд.

Оливье «учранглилар» сафида рекорд натижа ҳам қайд этди. Жиру Жаҳон Чемпионати ўйинида майдонга тушган Франция термасининг энг ёши катта футболчисига айланди.

36 ёш-у 53 кунлик Жиру бу борада Франция собиқ дарвозабони Фабен Бартезнинг (35 ёш-у 11 кун) рекордини янгилади.

Бундан ташқари Бартезнинг рекордини терма жамоанинг айни вақтдаги посбони Уго Льорис (35 ёш-у 331 кун) ҳам янгилади.