Футбол бўйича ЖЧ—2022 1-турида Франция ва Австралия жамоалари 22 ноябрь, сешанба куни ўзаро тўқнаш келди.
Учрашувнинг 9-дақиқасида австралияликлар Крейг Гудвиннинг голидан кейин олдинга ўтиб олди. Бунга французлар биринчи бўлимда Адриен Рабьо ва Оливье Жирунинг голлари билан жавоб қайтарди.
68-дақиқада Килиан Мбаппе жамоасининг учинчи голини урган бўлса, орадан уч дақиқа ўтиб, Жиру ҳисобни йирик кўринишга олиб келди. Қолган вақтда ҳисоб ўзгармади.
Шу тариқа ушбу ғалабадан кейин «учранглилар» уч очко билан гуруҳ пешқадамлигини ўз қўлига олди. Австралия эса 0 очко билан сўнгги поғонада бормоқда. Гуруҳнинг дастлабки баҳсида Дания ва Тунис ўзаро дуранг ўйнаганди.
ЖЧ—2022
1-тур баҳси
22 ноябрь, сешанба
Франция — Австралия 4:1
Голлар: 0:1 – 9 Гудвин, 1:1 – 27 Рабьо, 2:1 – 32 Жиру, 3:1 – 68 Мбаппе, 4:1 – 71 Жиру.Франция: Льорис, Павар (Кунде, 89), Упамекано, Конате, Люка Эрнандес (Тео Эрнандес, 13), Рабьо, Тчуамени (Фофана, 77), Жиру (Тюрам, 89), Гризманн, Дембеле (Коман, 77), Мбаппе.
Австралия: Райан, Аткинсон (Дегенек, 85), Суттар, Роулз, Бехич, Муй, Ирвайн (Баккус, 85), Макгри (Мабил, 73), Лекки, Дюк (Каммингс, 56), Гудвин (Куол, 74).
Огоҳлантиришлар: Дюк (55), Ирвайн (80), Муй (90+5).
Изоҳ (0)