Франция терма жамоаси ҳимоячиси Люка Эрнандес ЖЧ—2022 1-тур ўйинида жароҳат олди.
«Бавария» футболчисининг тизза пайларида ёрилиш юзага келган. Бундай жароҳатдан тўлиқ тикланиш учун камида ярим йил керак бўлади. Шу тариқа Эрнандес учун Жаҳон Чемпионати якунланди.
Франция терма жамоаси Люканинг ўрнига бошқа футболчи жалб қила олмайди. Сабаби қайдномага ўзгартириш киритиш муддати 21 ноябрга қадар белгиланганди, футболчи жароҳатни 22 ноябрь куни олди.
Аввалроқ Карим Бензема ва Кристофер Нкунку жароҳат сабаб мундиални ўтказиб юбориши маълум бўлганди. Бироқ мураббийлар штаби «Реал» форвардининг ўрнига футболчи жалб қилмаганди. Шунингдек, Майк Меньян, Преснел Кимпембе, Пол Погба ва Нголо Канте каби футболчилар жароҳат сабаб Францияга ЖЧ—2022 да ёрдам беролмайди.
Изоҳ (0)