Футбол бўйича ЖЧ—2022 1-турида Аргентина ва Саудия Арабистони терма жамоалари 22 ноябрь, сешанба куни ўзаро тўқнаш келди.
Учрашувнинг дастлабки дақиқаларидаёқ Жанубий Америка вакиллари пенальти ишлаб олди. 11 метрлик жарима зарбасини Лионель Месси голга айлантирди. Биринчи бўлимда Аргентина ҳисобни яна ошириши мумкин эди, Скалони шогирдларининг учта голи офсайд туфайли инобатга олинмади.
Иккинчи бўлим дебютида Солиҳ аш-Шеҳри мувозанатни тиклади. Орадан кўп ўтмай Салим ад-Довсари саудияликларни олдинга олиб чиқди. Қолган вақтда ҳисоб ўзгармади.
Шу тариқа Саудия Арабистони мусобақани ғалаба билан бошлади. Гуруҳнинг иккинчи ўйини Мексика ва Польша жамоалари ўртасида кечади.
ЖЧ—2022
1-тур баҳси
22-нобяр, сешанба
Аргентина — Саудия Арабистони 1:2
Голлар: 1:0 – 10, пенальти Месси, 1:1 – 48 Аш-Шеҳри, 1:2 – 53 Ад-Досари.Аргентина: Мартинес, Molina, Отаменди, Ромеро (Мартинес, 59), Тальяфико (Акуня, 71), Ди Мария, Гомес (Альварес, 59), Паредес (Фернандес, 59), Де Пауль, Месси, Мартинес.
Саудия Арабистони: Ал-Овайс, Абдулҳамид, Ал-Булайҳи, Томбакти, Аш-Шаҳрони, Ад-Досари, Ал-Фараж (Ал-Обид, 45; Ал-Амри, 88), Канно, Ал-Малки, Ал-Брейкан (Ассири, 89), Ал-Шеҳри (Ал-Ғанам, 78).
Огоҳлантиришлар: Ал-Малки (67), Ал-Булайҳи (75), Ад-Досари (79), Абдулҳамид (82), Ал-Обид (88), Ал-Овайс (90).
Изоҳ (0)