Криштиану Роналду: «Португалия чемпион бўлади, бироқ сен гол урмайсан дейишса, бунга рози бўлардим»

Португалия терма жамоаси ва «Манчестер Юнайтед» ҳужумчиси Криштиану Роналду Жаҳон Чемпионати ҳақида фикрлари билан ўртоқлашди.

Португалиянинг ЖЧлардаги энг яхши тўпурари Эйсебионинг рекордини янгилаш ҳақида

Бу манманликдек кўриниши мумкин, бироқ мен рекордларни эмас, рекордлар мени таъқиб қилади, дейишда давом этаман.

Эйсебионинг рекордини янгилаш жуда ажойиб иш бўлган бўларди, албатта. Бироқ ростини айтадиган бўлсам, бу мени уйқумни қочирадиган даражада безовта қилмайди. Агар менга Португалия чемпионга айланади, лекин сен гол ура олмайсан дейишса, уни иккиланмай қабул қилардим. Болаларимни ўртага қўйиб қасам ичаман.

Чемпионлик курашидаги ишонч борасида

Қайси жамоа энг яхши эканини охирида кўрамиз. Ёки энг яхши жамоа ёки энг яхши авлод ғалаба қозонади.

Жаҳон Чемпионатини ютиш учун биз энг яхши жамоа бўлишимиз керак, бунга ишонсак, ғалабага яқин борган бўламиз. Буни майдонга исботлаш керак.

Ҳозирги авлод Португалия тарихидаги энг яхши экани ҳақида

Ўйлашимча, ҳа, бу авлод жуда яхши, чунки у ёш ва жипслашган. Буни томоша қилиш ёқимли. Талаблар юқори, ишончни шакллантириш учун хотиржамликни сақлаш керак.

Криштиану Роналду, футболчи

• «Тен Ҳагни ҳурмат қилмайман. Клуб менга хиёнат қилди» — Роналду «Манчестер Юнайтед»даги вазият ҳақида кескин гапирди
• «Фергюсон ўзидан кейин клубда катта бўшлиқ қолдириб кетган экан». Криштиану Роналдунинг шов-шувли интервьюси эълон қилинди
• «Манчестер Юнайтед» Роналдунинг интервьюси бўйича расмий баёнот берди