Нидерландия терма жамоаси ЖЧ—2022 1-турида Сенегал устидан 2:0 ҳисобидаги ғалабани қўлга киритди.
Нидерландия мундиаллар гуруҳ босқичида кетма-кет етти ўйиндан бери ғалаба қозониб келмоқда. 2010 ва 2014 йилги мусобақалар гуруҳ босқичидаги барча ўйинлар ғалаба билан якунланган. ЖЧ—2018 да эса жамоа иштирок этмаган.
«Учар голландлар» устози Луи ван Гал Нидерландия бошқарувида 38-ғалабасини қўлга киритди. 71 ёшли мутахассис бу борада Дик Адвокатни (37 ғалаба) ортда қолдириб, рекордчига айланди.
Ван Гал Нидерландияни учинчи марта бошқармоқда. Аввалроқ у 2000-2001 ва 2012—2014 йиллар давомида терма жамоага устозлик қилган. Ҳозирги даври эса 2021 йилнинг августида бошланганди.
Қайд этиш керак, ЖЧ—2022 дан кейин ван Гал терма жамоа бошқарувини тарк этади. Унинг ўрнини 2023 йил январидан бошлаб Рональд Куман эгаллайди.
Аввалроқ Луи саратон билан оғригани ва уни енгиб ўтгани ҳақида маълум қилганди.
Изоҳ (0)