АҚШнинг собиқ президенти Дональд Трамп Twitter’га қайтмаслигини эълон қилди. Бу ҳақда The Hill хабар берди.
Трамп ижтимоий тармоқнинг янги эгаси Илон Маскни олқишлаб, бироқ Twitter ҳозирда жуда кўп муаммоларга дуч келаётганини айтди. Шу сабабдан у Truth Social ижтимоий тармоғида қолишини таъкидлади. Мазкур платформани Трамп Twitter’да аккаунти блокланганидан кейин ишга туширганди.
«Уларнинг Twitter’да муаммолари етарлича, нима бўлаётганини кўриб турибсиз», — дейди Трамп.
АҚШ собиқ президентининг Twitter аккаунти ижтимоий тармоқ маъмурияти томонидан 2021 йил январида Капитолийга қилинган ҳужумга бағишланган твитлар туфайли блокланганди. Унинг 90 миллионга яқин обуначиси бўлган.
19 ноябрь куни Илон Маск фойдаланувчилар орасида АҚШнинг собиқ президентини блокдан чиқариш керакми, дея сўровнома ўтказган. Унда 15 миллиондан ортиқ фойдаланувчи иштирок этган, 51,8 фоиз фойдаланувчи Трамп аккаунтини тиклаш тарафдори бўлган.
Шундан сўнг, тунда Twitter АҚШнинг собиқ президентининг аккаунтини блокдан чиқарган. Саҳифа сиёсатчининг барча олдинги твитларини ҳам кўрсатади. Бир суткага етмасдан саҳифага 50 миллиондан ортиқ фойдаланувчи обуна бўлган.
Изоҳ (0)