Япония собиқ бош вазири Ёсиро Морининг айтишича, Украина президенти Владимир Зеленский кўплаб украиналикларни қийинчиликка дучор қилди. У жаҳон ҳамжамияти нима учун фақат Россия президенти Владимир Путинни танқид қилишини тушунмаслигини айтди. Морининг сўзларига кўра, вазиятни фақат Синдзо Абэ (ёзда ҳаётига суиқасд қилиб ўлдирилган япониялик собиқ бош вазир) тартибга солиши мумкин эди, деб ёзмоқда Japan Times газетаси.
«Мен нега фақат президент Путин танқид қилинаётганини, жаноб Зеленский жавобгарликка тортилмаётганини тушунмаяпман. Зеленский кўплаб украиналикларни қийинчиликка дучор қилди», — деди Мори Токиодаги сиёсий митингда.
Собиқ бош вазир Украинадаги воқеаларни бирёқлама ёритаётгани учун Япония ахборот агентликларини ҳам танқид қилди. Унинг фикрича, бу ОАВлар фақат Европа ёки АҚШдан келган хабарларга асослангандек таассурот қолдиради. Бундан ташқари, Морининг фикрича, ҳозирги бош вазир Фумио Кисида «бир томонлама АҚШга ён босади».
Ёсиро Морининг айтишича, 2000 йиллар бошида у Путинни НАТОга аъзо бўлишга чақирган ва давлат раҳбари гўёки бундай вариантни истисно қилмаган, аммо Қўшма Штатлар бунга йўл қўйишига ишонмаган.
Ёсиро Мори Япония ҳукуматини бир йилдан сал кўпроқ вақт — 2000 йил 5 апрелдан 2001 йил 26 апрелигача бошқарган. 2014 йилда у Паралимпия ўйинлари ташкилий қўмитаси раҳбари этиб тайинланган, 2021 йилда эса сексист деб топилган баёнотлари туфайли истеъфога чиққан.
Изоҳ (0)