Афғонистонни қайта тиклаш бўйича бош инспектори (SIGAR) ҳисоботида мамлакатнинг собиқ президенти Ашраф Ғанининг коррупцияси ва автократияси тизимнинг қулашига сабаб бўлгани келтириб ўтилди. Бу ҳақда Aamaj news хабар берди.
Тизимнинг қулашида Ғанининг ўзига содиқ доиралар билан ҳукуматни бошқаргани ҳам сабаб қилиб кўрсатилди.
«Афғон сиёсатчиларининг АҚШ мамлакатдан қўшинларини олиб чиқишга ишончсизлиги собиқ тузумнинг қулашига сабаб бўлган яна бир омилдир», дейилади ҳисоботда.
Таъкидланишича, Ашраф Ғани ҳукумати АҚШнинг Афғонистондан чиқиб кетиш режаларини тан олмайди. Собиқ ҳукумат ўзининг заиф позициясига қарамай, «Толибон»нинг республикада интеграциялашувига интилди.
SIGAR хулосасига кўра, АҚШ ва «Толибон» ўртасидаги тўғридан-тўғри музокаралар Афғонистон ҳукуматини четга сурган, ҳукуматининг тинчлик музокараларидаги позициясини заифлаштирган. «Толибон» ҳаракатиники эса мустаҳкамлаган. АҚШ билан имзоланган Доҳа битими эса «Толибон»га куч берган. Бунинг ортидан «Толибон» Афғонистон ҳукуматини жанг майдонида мағлуб этишга кўпроқ эътибор қаратган.
Август ойида Афғонистон собиқ президенти Ашраф Ғани мамлакатдан қочиб кетиши сабабларини айтганди. У ҳали ҳам Афғонистон президенти эканини таъкидлаган.
Изоҳ (0)