Гаага суди Малайзия самолёти 2014 йил Первомайск шаҳридан «Бук» ҳаво мудофаа тизими томонидан уриб туширилганини маълум қилди

Гаага суди 2014 йил 17 июлда Донбассда уриб туширилган Малайзиянинг Boeing самолёти иши бўйича ҳукм эълон қилди. Бу ҳақда «РБК» хабар берди.

Амстердамдан Куала-Лумпурга учаётган самолётда юз берган ҳодисада 298 кишига ҳалок бўлганди. Суд MH17 рейси Первомайский яқинидаги даладан «Бук» ҳаво мудофаа тизими томонидан уриб туширилган деган хулосага келди. Суд Россияни можарода иштирок этган ва ҳудуддаги жангларни қўллаб-қувватлаган деб ҳисоблайди. Хусусан, ҳодиса айбланувчиларидан Игорь Гиркин Россия фуқаролигига эга.

Россия MH17 рейси уриб туширилишига алоқадорлигини қайта-қайта рад этиб, унинг бу иш бўйича хулосалари Ғарб терговчилари томонидан инобатга олинмаётганига ишора қилган. Халқаро тергов самолёт Россиядан олиб келинган «Бук» ракетаси ёрдамида урилган, деган хулосага келди.

Гаага суди тўртта айбланувчидан уч нафарини, Гиркин, Дубинский ва Харченколарни, айбдор деб топди ва уларга умрбод қамоқ жазоси тайинлади.

Шунингдек, айбланувчилар қурбонларнинг яқинларига камида 16 миллион евро товон пули тўлаши керак. Суд MH17 ҳалокатида «Бук» ҳаво мудофаа тизимидан фойдаланишни Россия билан бевосита алоқадор деб топмади.