UzVC Миллий венчур жамғармаси Startup Growth дастурини (СГП) ишга туширилишига бағишланган биринчи конференцияни ўтказди. Бу ҳақда жамғарма матбуот хизмати хабар бермоқда.
Болалар динамик жамият учун зарур бўлганидек, ривожланаётган иқтисод учун янги пайдо бўлган компаниялар, яъни стартаплар жуда муҳимдир. Шу сабабли UzVC Миллий венчур жамғармаси, Ўзбекистонда маҳаллий стартаплар учун янги индивидуал UzVC Startup Growth Program (СГП)ни ишга туширди, — дейилади UzVC хабарида.
Таъкидланишича, дастур давлат кўмагида ўзбек стартапларига ўсиш ва ташқи бозорларга чиқиш йўлида жаҳон андозаларидаги тажриба билан таъминлаш мақсадида амалга оширилмоқда.
СПГ Ўзбекистондан ташқарида ўсиш ва бозорларга чиқиш учун зарур бўлган маблағ йиғиш стратегиялари каби масалаларни қамраб олади.
Биз қимматбаҳо маҳсулотлар, хизматларни ишлаб чиқиш ва даромадли компаниялар яратиш учун одамлар бир-бирини қўллаб-қувватлайдиган турли хил ҳамжамиятни яратмоқдамиз, — дейди UzVC бош директори Дилшод Хошимов.
У Силикон водийси мутахассисларини Инҳа университетида ўз экотизимимиз муваффақияти учун мезон белгилашда ёрдам беришлари учун кўрсатганидан хурсандлигини таъкидлаган.
Бундан ташқари конференцияда UzVC катта маслаҳатчиси Алишер Шайхов, Express24 бош директори ва асосчиси Акмал Паизиев, I2BF Global Ventures инвестиция бўйича директори Денис Калишкин, Pulsar ҳамкори Адриэн Ҳенни (Франция) каби маърузачилар иштирок этди.
Аввалроқ Ўзбекистоннинг тарихий шаҳарлари виртуал реалликка ўтказилаётгани ҳақида хабар берилган эди.
Изоҳ (0)