Тошкент шаҳар, Мирзо Улуғбек тумани, Зиёлилар кўчасидаги (Марказий ҳарбий госпитал яқинида) ер участкаси кимошди савдосига қўйилди. Лот маълумотлари «E-auksion» порталида эълон қилинган.
Лот аукционга Давлат активларини бошқариш агентлигининг Тошкент шаҳар ҳудудий бошқармаси томонидан жойлаштирилган. Ҳудуд аввал Мудофаа вазирлигига тегишли бўлган.
Ер участкасининг умумий майдони — 1 гектар. Бино ва иншоотлар майдони — 14 квадрат метр. Унда сув ва газ таъминоти мавжуд бўлса ҳам, электр энергияси ва канализация тизими йўлга қўйилмаган.
Аукционга қўйилган ернинг бошланғич баҳоси — 45,7 млрд сўм. Аризалар 12 декабрь 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги 11 хонали ҳовли 3 млрд сўмга аукционга қўйилгани ҳақида хабар берилганди.
Изоҳ (0)