Tom Ford модалар уйи 2,8 миллиард долларга сотилмоқда

Америка парфюмерия ва косметика компанияси Estee Lauder вакиллари Нью-Йоркдаги Tom Ford модалар уйини сотиб олиш бўйича шартнома имзолангани ҳақида эълон қилди. Бу ҳақда «Коммерсантъ» хабар берди.

Estee Lauder Companies (ELC) 2,8 миллиард долларлик шартнома бўйича бренд ва унинг интеллектуал мулкининг ягона эгасига айланади.

Tom Ford асосчиси ва бош директори Том Форд шартнома шартларига кўра, 2023 йил охиригача бренднинг ижодий юзига айланади.

Шартнома Tom Ford’нинг Ermenegildo Zegna билан узоқ йиллик муносабатларини кенгайтиради. Марканинг Marcolin учун амалдаги лицензияси ҳам сезиларли даражада узайтирилади, — дейилади ELC хабарида.

ELC Tom Ford’ни сотиб олишга яқин экани ҳақида The Wall Street Journal манбаларга таяниб, кеча, 15 ноябрь куни хабар берди.

ELC парфюмерия ва косметика бозоридаги етакчи компаниялардан бири ҳисобланади. У Tom Ford билан 2005 йилда Tom Ford Beauty линиясини ишлаб чиқиш учун лицензия шартномасини тузганидан бери ҳамкорлик қилади.

Аввалроқ дунёдаги энг машҳур бренд маълум бўлгани ҳақида хабар берилганди.