“Daryo”ga Navoiy viloyati Navoiy shahrida yashovchi Zumrad Isakova murojaat yo‘llab, 70 yoshli onasi Zuxra Isakova uchun yordam so‘ragan. Ayolga ichak osilishi va ichak infeksiyasi tashxisi qo‘yilgan. Har uch oyda davolanayotgan Zuxra Isakova so‘nggi bir oydan beri ichki qon ketishi natijasida jarrohlik amaliyotiga muhtoj.
“Onajonim 5-6 yildan buyon Ichak infeksiyasi va ichak osilish tashxisi bilan qiynalmoqda. Sizdan imkoningiz bo‘lsa moddiy, bo‘lmasa duolaringiz bilan yordam berishingizni so‘rab murojaat qilyapman. Yilda har uch oy davolansalar-da, oxirgi besh oyda ahvol og‘irlashib bir oydan buyon ichidan qon ketish boshlangan. Ichlaridan qon keladi, zudlik bilan operatsiya qilinmasa ichak infeksiyasi qonga o‘tib, tanani zaharlar ekan.
Onajonim hozirda faqat suv va sut ichadilar. Ovqat yeyishdan qo‘rqib qolganlar: “Ichaklarim osilib tushib qoladi”, — deb o‘ylaydi.Shifokorlarning aytishicha, Zuxra Isakova butunlay tuzalib ketishi uchun jarrohlik yo‘li bilan operatsiya qilish kerak. Ayol yetmish yoshdaligi va yuragi kengaygani sabab Navoiyda bu amaliyot o‘tkazilmasligi aytilgan. Bu kabi operatsiya poytaxtda kuchli mutaxassislar tomonidan o‘tkaziladi.
“Navoiyda bu amaliyot uchun 40 million so‘m mablag‘ kerak bo‘lishi aytildi, ammo bizda buncha pul yo‘qligi sabab operatsiya uchun olib borolmayapmiz”.
Zumrad Isakova hozirda 2 ta farzandi va onasi bilan yashaydi, turmush o‘rtog‘i vafot etgan. Onam 1 200 000 so‘m nafaqa oladi, menga esa 700 ming so‘m miqdorda boquvchisini yo‘qotganlik nafaqasi beriladi. Ayni paytda onamga qarayman, ishsizman. O‘g‘lim 10 yosh, qizim 4 yoshda. Bo‘sh vaqtlarim uyda chuchvara, do‘lma tugib sotaman. Mavsumga qarab, qo‘shnilarga kompot va tuzlamalar yopib berib, pul topaman.
Hech birimizni onajonimiz “oh” chekmasin. Alloh yo‘lida yordamingizni ayamang, iltimos. Meni yemay yedirgan, kiymay kiydirgan, halol mehnatda ham ona, ham ota bo‘lgan onajonimga yordam bering”, — deydi Zumrad Isakova.
Isakova Zuxraga xayriya qilish uchun ma’lumotlar:
Plastik karta Zuxra Isakovaning nomiga ochilgan
Uzcard: 8600 0610 9969 1379 Bog‘lanish uchun: +998 91 336 72 42
“Mehridaryo” loyihasi uchun murojaatlar @mehri_daryobot orqali qabul qilinadi.
Izoh (0)