Жорий йилнинг октябрь ойида фаолият юритаётган корхоналар ва брендларни рўйхатга олишда фаоллик қандай ўзгаргани таҳлил қилинди. Бу ҳақда «Дарё»га Иқтисодий тадқиқотлар ва ислоҳотлар маркази хабар берди.
Фаолият юритаётган корхоналар бўйича компонент 2022 йил октябрь ойида 1,0101 бирликни ташкил этиб, ўтган ойга нисбатан 1,0 фоизга ошганлигини кўрсатади. Ушбу кўрсаткич ўтган йилнинг мос даврига нисбатан ҳам ижобий ўзгариб, 9,7 фоизга ошган.
2022 йил октябрь ойида барча турдаги фаолият юритаётган корхоналар сони 2022 йилнинг сентябр ойига (621 960 бирлик) нисбатан 2 947 тага кўпайиб, 624 907 бирликни ташкил этган.
Йирик тадбиркорлик билан шуғулланувчи корхоналар сони 24 тага ошган.
Ҳисобот даврида, кичик корхоналар сони 509 720 тадан 512 637 тагача кўпайган (ўсиш 2 947 та).
Фермер хўжаликлари сони 108 627 тадан 108 633 тагача (ўсиш 6 та) кўпайган. Йирик тадбиркорлик билан шуғулланаётган субъектлар сони 3 637 тани ташкил этиб, 2022 йилнинг сентябр ойига нисбатан 24 тага кўпайган.
Брендларни рўйхатга олиш
2022 йил октябрь ойида савдо белгилари муҳофазаси бўйича бизнес фаоллиги индекси 1,2718 бирликни ташкил этиб, ушбу кўрсаткич сентябр ойига нисбатан 27,2 фоизга ошган.
Жорий йилнинг октябрь ойида юридик шахслар томонидан 262 та товар белгилари ва товар номлари рўйхатга олинган.
Изоҳ (0)