Ўзбекистон ва Вьетнам бош прокурорлари ўртасида учрашув бўлиб ўтди. Бу ҳақда Бош прокуратура матбуот хизмати хабар берди.
Қайд этилишича, Вьетнам бош прокурори таклифига биноан Ўзбекистон бош прокурори бошчилигидаги делегация Ханой шаҳрига ташриф буюрган. Мазкур ташриф доирасида Ниғматилла Йўлдошев ва Вьетнам бош прокурори Ле Мин Чи ўртасида учрашув бўлиб ўтган.
Конструктив мулоқот давомида томонлар икки давлат назорат органлари ўртасидаги ўзаро алоқаларни янада ривожлантиришнинг истиқболли йўналишларини муҳокама қилган. Учрашув якуни бўйича икки давлат ваколатли органларининг жиноят процесси доирасида ҳуқуқий ҳамкорликни амалга ошириш имконини берадиган Ўзбекистон ва Вьетнам ўртасида жиноят ишлари бўйича ўзаро ҳуқуқий ёрдам тўғрисидаги шартнома имзоланди.
Изоҳ (0)