O‘zbekiston va Vyetnam bosh prokurorlari o‘rtasida uchrashuv bo‘lib o‘tdi. Bu haqda Bosh prokuratura matbuot xizmati xabar berdi.
Qayd etilishicha, Vyetnam bosh prokurori taklifiga binoan O‘zbekiston bosh prokurori boshchiligidagi delegatsiya Xanoy shahriga tashrif buyurgan. Mazkur tashrif doirasida Nig‘matilla Yo‘ldoshev va Vyetnam bosh prokurori Le Min Chi o‘rtasida uchrashuv bo‘lib o‘tgan.
Konstruktiv muloqot davomida tomonlar ikki davlat nazorat organlari o‘rtasidagi o‘zaro aloqalarni yanada rivojlantirishning istiqbolli yo‘nalishlarini muhokama qilgan. Uchrashuv yakuni bo‘yicha ikki davlat vakolatli organlarining jinoyat protsessi doirasida huquqiy hamkorlikni amalga oshirish imkonini beradigan O‘zbekiston va Vyetnam o‘rtasida jinoyat ishlari bo‘yicha o‘zaro huquqiy yordam to‘g‘risidagi shartnoma imzolandi.
Izoh (0)