Тошкент вилояти Пискент туманида 61 ёшли фуқаро танишини ўқотар қурол билан жароҳатлади. Бу ҳақда Ички ишлар вазирлиги ахборот хизмати хабар берди.
Аниқланишича, 13 ноябрь куни соат тахминан 21:00 да Пискент тумани «Лолаариқ» маҳалласи ҳудудида 1961 йилда туғилган А.Т. таниши — 1990 йилда туғилган А.У.ни ўрталарида келиб чиққан жанжал оқибатида номаълум русумли ўқотар қуролдан жароҳатлаб, воқеа жойидан яширинган.
Оқибатда А.У. қориннинг ўнг томон пастки қисмини ўқотар қуролнинг ўқи тешиб кириши, қорин бўшлиғи ички аъзоларининг жароҳатланиши ташхиси билан туман тиббиёт муассасасига жойлаштирилган. Кўрилган тезкор-қидирув тадбирлари жараёнида жиноятни содир этишда гумонланган А.Т. қўлга олиниб, воқеа жойидан рўйхат рақами ўчирилган, келиб чиқиши номаълум бўлган 9 мм ПМ жанговар тўппончаси, икки дона ўқ ҳамда бир дона отилган гилза далилий ашё сифатида олинган.
Ҳолат юзасидан Жиноят кодексининг 25, 97-моддалари билан жиноят иши қўзғатилиб, гумонланувчи шахс процессуал тартибда қамоққа олинган. Номаълум ўқотар қуролининг келиб чиқиши ҳамда бошқа жиноятларга алоқадорлиги текширилмоқда.
Изоҳ (0)