Telegram’даги «Давлетовуз» каналида аҳолидан электр ва газ таъминотидаги узилишлар бўйича сўров эълон қилингач, журналист Азиза Қурбонова ўзининг Facebook саҳифасига Учтепа туманида газ босими жуда пасайиб кетганини билдирган ҳолда расм жойлаганди. Туман ҳокимлиги эса постга изоҳ ёзиб, журналистга унинг ўзи туманга қандай фойдаси теггани ҳақида савол берди.
Журналист юқоридаги расмга «Салом, менинг номим — газ. Лекин бунга шубҳам бор. Кучим фақат милтиллашга етади. 20 минутдан бери чой ҳам қайнатолмайман. Эгаларим ўтмишим — ўчоққа қайтишган. Ҳа, шунақа. Манзилим — Учтепа тумани Чўпонота маҳалласи» дея изоҳ қолдирган эди.
«Учтепа тумани ҳокимлиги» номи остидаги профил эса ушбу пост остида муносабат билдирган.
Бўлди-да, Азизахон, нима қиласиз оловга ёғ сепиб? Ҳамма нарса назоратга олинган. Қани, бир кун келиб Учтепада ишланг-чи, кўраман. Бас қилинг халқ ғазабини қўзғатишни. Сиз нима қилиб бердингиз Учтепага? Тепада ўтириб, ақллилик қилиш нечоғлик осон-а? Мен ҳам сиз ўтирган жойда анчагина ўтирганман, лекин бунақанги катталик қилиб, бировнинг ғазабини келтирмаганман, Аллоҳга шукур.Менинг исмим — Учтепа тумани ҳокимлиги ва мен халқимнинг оғир ва енгил кунларида ҳам бирга бўлиб, улар нафас олаётган ҳаводан нафас оламан, улар юрган йўллардан юраман, уларнинг дарди билан яшайман. Мана мен кимман, Азизабону. Ва сизга ҳам шуни тавсия қиламан. Ўзингиздан катталарга ҳурмат билан ёндашишни тавсия қиламан, — дейилган унда.
Бу орада «Давлетовуз» сўровнома натижалари билан бўлишиб, канал орқали ўтказилган сўровномада ҳам қарийб 60 минг киши овоз бергани, уларнинг 84 фози (!) газ ва электр энергияси муаммосига дуч келаётганини маълум қилгани ҳақида ёзган.
«Коммуникация керак» сарлавҳали постда ижтимоий тармоқларнинг асосий мавзуси — ҳар соатда ўчаётган электр энергияси, соатлаб совуқда ўтирган одамлар, километрлик навбатда турган ҳайдовчилар, ҳатто шаҳарларда пасайиб кетган газ босими бўлаётгани ҳақида сўз борган.
Лекин на Энергетика вазирлиги, на ҳукуматнинг бошқа масъуллари халққа нима бўлаётганини тўғри ва содда қилиб тушунтироляпти, қанақадир тушунарсиз баёнотлар, тушунарсиз носозликлар ҳақида гапириляпти, лекин ҳеч ким ҳеч нарсани тушунмаяпти. Қаҳрга тўла саволлар ҳавода муаллақ турибди: нега, нега айнан ҳозир ва нега шу ҳолатга келиб қолди? Май ойидан куз-қишга тайёргарлик ҳақида гапирилади-ю, лекин ҳали қиш келмасдан, тузукроқ қор ёғмасдан бутун мамлакат тақдир ҳукмига ташлаб қўйилмоқда?Азиза Қурбонова ўз постига туман ҳокимлиги билдирган муносабатдан сўнг «Давлетовуз»нинг юқорида ёзганларига ишора қилиб, «Коммуникация сўраганмидинглар? Мана у», дея ҳокимлик изоҳларидан скриншот эълон қилди ва қуйидагича фикр қолдирди.Халқ билан сифатли коммуникация керак. Халқ дардига кимгадир фойдали пайти қулоқ тутиш керак эмас, балки ҳар куни, ҳар соатда манзилли гапирилмас экан, халқнинг давлатга ишончини, агар қолган бўлса, борини ҳам йўқотиш мумкин. Энергетика тизими дабдаласи чиққан бўлса — гапирилсин, ким дабдала қилган бўлса — жазосини олсин. Халқ билсин, нега бундай бўлаётганини. Одамларни ўз дарди билан ёлғиз қолдиришнинг бадали қиммат бўлади, — дейилганди хабарда.
Тепадаги постимга Учтепа тумани ҳокимлигининг Фейсбукдаги аккаунти шундай жавоб берибди. Кўп эҳтимол билан бу матбуот хизмати бошлиғининг гаплари. «Тўрабек Тўраев?» деган саволимга жавоб ҳам бермади ва инкор ҳам этмади. Классик жавоб берилган-а, нима дедингиз? Яшасин, «нолийверма, сен ўзинг давлатга нима қилиб қўйдинг» клишеси.Аввалроқ Энергетика вазирлиги электр ва газ таъминотидаги муаммоларни тўғри тушунишга чақирган эди. Унда, хусусан, кунлар кескин совий бошлагандан сўнг истеъмолчиларнинг электр энергияси ва газга бўлган талаби ҳам ортиб бораётгани, шунингдек, совуқ кунларда магистрал газ қувурлари ва тармоқларида табиий газ босимининг ҳам кескин пасайиши кузатилаётганини маълум қилинган.Яшасин, ахборот хизматининг савияси.
Яшасин, халқининг оғир ва енгил кунларида бирга шу ҳаводан нафас олган ва олаётган, қачондир тепада (қайси тепалигига аниқлик киритилмаган) ишлаганида бировни ғазаблантирмаган ва «ақ(и)ллилик» қилмаган Учтепа тумани ҳокимлиги аккаунти.
Яшасин, оловга (қани ўша олов? 2 соатдан бери тефтел шўрвам қайнамайди) ёғ сепадиган ва ўзи туманга ҳеч нарса қилиб бермаган, катталарни ҳурмат қилмайдиган, Учтепа тумани ҳокимлиги аккаунти аввал ўтириб кўрган тепада ўтирадиган (қайси тепа экан, борардим ўшатга) ғаламис Азизабону. Мана ўзбекча cрисис communication ва публиc relations’дан маҳорат дарси. Ўрганинглар. Эсиз, — деб ёзади журналист.
Фурсатдан фойдаланиб, истеъмолчилардан ушбу вазиятни тўғри тушунишларини сўраган ҳолда, тармоқларда юзага келиши мумкин бўлган йирик аварияларни олдини олиш ҳамда энергия ресурслари барқарорлигини таъминлаш мақсадида, имкон қадар ушбу ресурслардан тежамкорлик билан фойдаланишларини эслатиб ўтамиз, — дейилганди хабарда.Мавзуга доир:
- «Ҳар куни электр энергиясини тежаш кунини нишонлаяпмиз». Наманганликлар Энергетика вазирлигидан ҳафсаласи пир бўлганини айтмоқда (видео)
- Ўзбекистон энерготизимида оғир оқибатли «авария» – блекаут хавфи борлиги маълум қилинди
- «Бу ҳали ҳолваси бўлиши мумкин» – ўзбекистонликлар электр ва газ таъминотидаги узилишлар оқибатидан хавотирда
Изоҳ (0)