Биткоин курси 4,63 фоизга қимматлаб, 20 минг доллардан ошди. Бу ҳақда CoinDesk порталидаги маълумотларда келтирилган.
Айни пайтда 26 октябрь, Тошкент вақти билан 16:35 ҳолатига кўра энг йирик криптовалютанинг қиймати 20 636 доллар бўлиб турибди. Бу бир ойлик энг юқори кўрсаткичдир.
Ўтган ҳафтада биткоин 19 минг долларгача тушиб кетганди. Криптовалютанинг бир ойлик энг паст қиймати 13 октябрь куни қайд этилган эди — 18 384 доллар.
Биткоиннинг бозор қиймати август ўрталарида 500 млрд доллардан юқори бўлиб турганди. Айни пайтда бу кўрсаткич 395 млрд долларга тенг.
2021 йил ноябрь ойида криптовалюта нархи 69 минг долларгача кўтарилган эди.
Изоҳ (0)