Ғарб мамлакатлари вакиллари Россия ва Украина ўртасидаги ярашувнинг эҳтимолий шартлари ҳақида ўзаро фикр алмашмоқда, деб ёзади The Wall Street ўз манбаларига таяниб. Айни пайтда ушбу давлатлар расмий етакчилари ва мансабдорлари «Украинани боши берк кўчага киритиб қўйиши мумкин бўлган» баёнотлардан қочишга ҳаракат қилмоқда.
Халқаро алоқалар бўйича Европа кенгаши Варшава идораси раҳбари Петр Бураснинг сўзларига кўра, ҳозир Ғарбда «якуний сулҳ қандай кўринишга эга бўлиши ҳақида аниқ тасаввур йўқ». «Берлин, Париж ёки Вашингтон Киевни Зеленский Украина манфаатларига тўғри келмайди деб ҳисоблайдиган бирор нарсага ундайди, деб ўйламайман», — деди таҳлилчи.
WSJ ёзишича, Ғарб мансабдорлари мамлакатлар ўртасида тинч йўл билан тартибга солиш масаласида келишмовчиликлар чиқиши мумкин, айниқса, Украина Россияга қарши чиқишда давом этиб, Қримни қайтариб олишга уринадиган бўлса.
Ҳозир, деб ёзади нашр дипломатларга таяниб, Вашингтон ва унинг иттифоқдошлари Украинада музокаралар йўли билан жанговар ҳаракатларни тўхтатиш истиқболларини кўрмаяпти. АҚШ ва Европа мамлакатлари ҳукуматлари фикрича, Россиянинг хатти-ҳаракатлари бунга имконият яратмайди, балки вазият кескинлашувига олиб боради, деб ёзади газета. Бундан ташқари, WSJ маълумотларига кўра, Париж ва Берлин жанговар ҳаракатлар бошланишидан олдин тинчлик битимлари ҳақидаги таклифларни муҳокама қилиб, низонинг илк ҳафталарида Россия ҳукумати билан мунтазам алоқада бўлиб турганидан кейин, Европа мамлакатлари «штатдан ташқари дипломатия» борасида хавотирга тушган.
Газета G7 мамлакатларининг 4 ноябрдаги баёнотини эслатди, унда «Россиянинг музокараларга даъватлари ишонч уйғотмаслиги» айтилади. Шунингдек, нашр эслатишича, АҚШ конгресси қуйи палатасидан бир гуруҳ демократлар президент Жо Байденга йўналтирилган, низога дипломатик ечим излаш, санкцияларни юмшатиш ва Москва билан музокаралар ўтказишга чақирувчи хатини қайтариб олган эди.
Бироқ 6 ноябрь куни The Washington Post манбалари Байден маъмурияти шахсий тартибда Украина раҳбариятини Россия билан музокараларга очиқликни намойиш қилиш ва президент Владимир Путин даврида музокаралар ўтказишни истамасликдан воз кечишга чақираётганини маълум қилди.
Бундай қарорни Зеленский ДХР, ЛХР, Херсон ва Запорожье вилоятларининг Россияга қўшилиши ҳақидаги референдумлардан кейин қабул қилган эди. Россия ҳукумати эса мулоқот давом этишига умид қилаётганини айтмоқда. Октябрь охирида Путин «Вашингтонда бу сиёсатни амалга ошираётганлар» Украина ҳукуматига сигнал бериб, «улар ўз позициясини ўзгартириши ва бу муаммоларни тинч йўл билан ҳал қилишга интилиши кераклиги»ни айтиши лозим, деган эди.
Изоҳ (0)