Самарқандда бўлиб ўтган II Ўзбекистон иқтисодий форуми доирасида «Ўзбекнефтгаз» АЖ халқаро компания ва ташкилотлар билан 507,4 млн АҚШ доллари қийматидаги шартномаларни имзоланишига эришди.
Ўзбекистон иқтисодий форуми доирасида «Ўзбекнефтгаз» АЖ Бошқарув раиси Меҳриддин Абдуллаев бошчилигида бир қатор халқаро ташкилотлар билан ўтказилган учрашувлар ўз натижасини бериб, амалда шартномалар имзоланиб, томонлар ўзаро икки томонлама манфаатли ҳамкорлик алоқаларини янада мустаҳкамлашга эришишди.
Жумладан, Форумнинг иккинчи кунида Barclays (Буюк Британия), CITI (АҚШ), Santander банк (Испания) ва Haldor Topsoe (Дания) компаниялари вакиллари билан билан музокаралар ўтказилди.
Barclays халқаро банкининг савдо бўйича директори I.Никитин билан инвестицион лойиҳаларни амалга ошириш масалалари муҳокама қилинди.
Бундан ташқари, 200 млн долларгача бўлган миқдорда молиялаштириш жалб қилиш таклифи билдирилиб, бу бўйича ўзаро фикр алмашилди.
Форумда Ҳалдоре Топсоэ компанияси билан олтингугурт чиқиндиларини тозалаш технологияларини ишлаб чиқиш ва лэтсинзиялаш масалалари бўйича меморандум имзоланди.
Шунингдек, нефть ва газни қайта ишлаш корхоналари билан ҳамкорлик қилувчи Honeywell УОП халқаро компанияси вакиллари билан 6,1 млн доллар қийматидаги шартнома имзоланди.
«Газовие Турбини Инжиниринг» компанияси билан олиб борилган музокаралар натижасида эса, 1,3 млн доллар қийматидаги газтурбинали двигателларни капитал таъмирлашга доир шартнома имзоланди.
MUFG банки вакили билан ўтказилган учрашув ва олиб борилган музокаралара натижаси ижобий якунланди. «Ўзбекнефтгаз» АЖ томонидан амалга оширилаётган лойиҳалар ва турли корпоратив эҳтиёжларни молиялаштириш масаласи MUFG банки томонидан қўллаб-қувватланиши билдирилди.
Натижада «Ўзбекнефтгаз» АЖ ва «MUFG» банки ўртасида 500,0 млн доллар қийматидаги шартнома имзоланди.
Изоҳ (0)