Жиззах вилояти Фориш туманида суғориладиган ер майдонининг ноқонуний савдоси олди олинди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Қайд этилишича, Бош прокуратура ҳузуридаги департаментнинг Фориш тумани бўлими томонидан тезкор тадбир ўтказилган. Унда фуқаро З.Р. фуқаро Н.А.нинг ишончига кириб, унга ўзининг онаси А.Б.га деҳқон хўжалиги юритиш учун ажратилган 0,35 гектар сувли ер майдонини 14 миллион сўмга сотишга келишиб, 1 200 долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 229-6-моддаси (суғориладиган ер участкасига ёки унинг бир қисмига бўлган ҳуқуқни сотиш ёхуд қонунга хилоф равишда бошқача тарзда ўзга шахсга бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)