Андижон ва Тошкент вилоятларида фуқароларни хорижга ишга юборишни ваъда қилган шахслар ушланди. Бу ҳақда Иқтисодий жиноятларга қарши курашиш департаменти ахборот хизмати хабар қилди.
Таъкидланишича, Бош прокуратура ҳузуридаги департаментнинг Қўрғонтепа тумани бўлими томонидан тезкор тадбир ўтказилган. Унда фуқаро И.К. (муқаддам судланган) 3 нафар фуқарони 38 минг доллар эвазига гўёки Корея элчихонасида ишловчи танишлари орқали ушбу давлатга ишга юборишини ваъда қилиб, олдиндан 6 минг долларни олган вақтда ашёвий далиллар билан ушланган.
Шу каби департаментнинг Чирчиқ шаҳри бўлими томонидан ДХХ ходимлари билан ҳамкорликда ўтказилган тезкор тадбирда фуқаро Ф.Ф. фуқаро М.А.ни танишлари ёрдамида 3 500 доллар эвазига Латвияга ишга юборишини айтиб, шундан 3 минг долларни олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлар қўзғатилиб, тергов ҳаракатлари ўтказилмоқда.
Изоҳ (0)