Наманган вилоятида 2–3 баллик зилзила содир бўлди

Фавқулодда вазиятлар вазирлиги Сейсмопрогностик мониторинг республика маркази хабарига кўра, Ўзбекистон ҳудудида 4 ноябрь куни маҳаллий вақт билан 21:16 да зилзила содир бўлди.

Қайд этилишича, эпицентр — Наманган вилояти Уйчи тумани. Зилзила координаталари: 41,07 градус шимолий кенглик; 71,88 градус шарқий узунлик.

Магнитуда М=2,6. Чуқурлик 15 км. Зилзила эпицентри Тошкентдан 224 км жануби-шарқда. Ўзбекистон ҳудудида сезилиш кучи:

• Уйчи туманида 2—3 балл, 6 км;
• Чортоқ туманида 2—3 балл, 7 км;
• Норин туманида 2 балл, 19 км;
• Наманган шаҳрида 2 балл, 19 км;
• Учқўрғон туманида 2 балл, 20 км.

Аввалроқ Қирғизистонда 1 ноябрь куни Тошкент вақти билан 09:35 да содир бўлган зилзила кучи Ўзбекистонда сезилгани ҳақида хабар берилган эди.