Ўзбекистон аҳолисини келгуси беш йил ичида бир қатор ўзгаришлар кутмоқда. Бу ҳақда Бош вазир ўринбосари – иқтисодий тараққиёт ва камбағалликни қисқартириш вазири Жамшид Қўчқоров Самарқанд шаҳрида бўлиб ўтаётган иқтисодий форумининг ёпилиш маросимида айтиб ўтди, дея хабар бермоқда «Дарё» мухбири.
Жамшид Қўчқоровнинг таъкидлашича, Ўзбекистон 5 йил ичида яшил иқтисодиёт ривожланган давлатга айланади.
Бу даврда электр ишлаб чиқариш станцияларини яшил энергия манбаларига алмаштирамиз. Банклардан фақат биттаси давлат банки бўлиб қолади. Қолганлари хусусий бўлади.Аввалроқ форум очилишида Жамшид Қўчқоров Ўзбекистонда иқтисодий ўсиш кўрсаткичлари ошиб бораётгани ҳақида гапирганди.Ўзбекистон ривожланиш стратегиясида кўп масалалар акс эттирилган. Ҳар бир йўналиш тарифи берилган. Муаян мақсадлар белгиланган.
Мисол учун, иқтисодчи сифатида биз ялпи ички маҳсулотга қараймиз. Ҳозир Ўзбекистон ялпи ички маҳсулоти 60 миллиард долларни ташкил қилади. Келаси 5 йил ичида мамлакатда камбағаллар сони 2 баравар камаяди. Даромад жон бошига 2 минг 800 долларни ташкил қилади.
Бу чиройли рақам бўлгани учун эмас, биз умид қиламизки, бу йил ЯИМ жон бошига улуши икки минг доллардан ошади. Биз қаттиқ ишлаяпмиз. Аҳоли кучли меҳнат қилмоқда. ЯИМнинг 5 йилда жон бошига 2 минг 800 долларга етиши яхши натижа. Ундан кейин 4 минг долларга етишга ҳаракат бўлади.
«Бу йил биз 5 фоиздан юқори бўлган иқтисодий ўсишни прогноз қиляпмиз. Йил бошидан бери ички маҳсулот 5,8 фоизга ўсди. Пандемиядан кейинги вазият ва глобал тангликларда Ўзбекистон раҳбарияти доимий равишда ислоҳотларни давом эттиришнинг қаттиқ тарафдори бўлди. Йил бошидан бери қишлоқ хўжалиги сектори 3,6 фоизга ўсди. Бу жуда яхши кўрсаткич. Биз бозорни эркинлаштиришга қарор қилдик. 100 минг гектар қишлоқ хўжалиги ерларини узоқ муддатга лизинга тақдим этдик. Ўзбекистонга чет элдан нақд пул ўтказмалари ўсди ва хизматлар сектори ҳам яхши ўсиб бормоқда. Менимча, булар иқтисодий ўсишимизни таъминловчи асосий омиллар бўлмоқда», – деган эди вазир.
Изоҳ (0)