Бугун,

  • USD 11095.31
  • RUB 173.84
  • EUR 10772.44

Жиззахнинг Шароф Рашидов туманида сохта диплом ясаб сотиш билан шуғулланиб келган жиноий гуруҳ фош этилди. Бу ҳақда вилоят ИИБ матбуот хизмати хабар берди.

Фото: Видеодан кадр

Фото: Видеодан кадр

Қайд этилишича, вилоят ИИБ уюшган жиноятчиликка қарши курашиш бўлими ходимлари томонидан Шароф Рашидов туманида тезкор тадбир ўтказилган. Тадбирда фуқаролардан бирига диплом ясаб бериш эвазига ундан 500 доллар, паспорт ва шаҳодатнома нусхасини олган аёл ушланган.

Тадбир давомида туманнинг «Суғдиёна» маҳалласида яшовчи ушбу аёл фуқародан олган пулининг 100 долларини ўзида қолдириб, 400 доллар ва ҳужжатларни ҳамкасбига беришини маълум қилган. Шундан сўнг тезкор тадбир давом эттирилиб, касб-ҳунар мактаби мансабдори ашёвий далиллар билан ушланган.

Шароф Рашидов туманида истиқомат қилувчи бу аёл ҳам пуллар ва ҳужжатларни Жиззах шаҳрининг «Заргарлик» маҳалласида яшовчи МЧЖ раҳбари бўлган танишига берган вақтида қўлга олинган.

1981 йилда йилда туғилган МЧЖ раҳбари аввал ҳам жиноят содир этгани учун ахлоқ тузатиш жазосини ўтаётган бўлган. Олиб борилган терговга қадар дастлабки суриштирувда касб-ҳунар мактабининг икки нафар масъули ва МЧЖ раҳбари ўзаро тил бириктириб, 10 кишига улар ўқимаган бўлса-да, диплом тайёрлаб бергани аниқланган.

Ушбу дипломларнинг 1 таси Жиззах шаҳар уй-жой коммунал хўжалиги, 6 таси Жиззах маиший хизмат, 2 таси Жиззах тумани иқтисодиёт, 1 таси Жиззах транспорт ва алоқа касб-ҳунар коллежлари томонидан расмийлаштирилган.

Ҳозирда ҳолат юзасидан терговга қадар текширув ҳаракатлари ўтказилмоқда.

Мавзуга доир: Сирдарёда институтни тугатганлик ҳақида сохта диплом олиб бермоқчи бўлганлар ушланди

Изоҳ
Асосий янгиликлар
Спорт
The Best совринига даъвогар дарвозабонлар якуний учлиги маълум бўлди
Дунё
Гранатомёт зарбидан омон қолган Грузия президенти Шеварднадзе, коммунистларга қарши ов бошлаган Маккарти ва ҳалокатга учраган “Ту-104”. Кун хронологиясида 9 феврал...
Маҳаллий
Ўзбекистонлик қутқарувчилар Туркияда яна икки кишининг ҳаётини сақлаб қолди