Пойтахтнинг Чилонзор туманидаги айрим ҳудудларда электр таъминотида узилиш кузатилмоқда. Бу ҳақда Энергетика вазирлиги матбуот хизмати хабар берди.
Қайд этилишича, 3 ноябрь куни соат 17:36 да Тошкент шаҳрининг Чилонзор тумани 35/6 кВ кучланишли «Чилонзор» подстанциясининг 16 МВА қувватли трансформаторида авариявий ўчиш юзага келган. Оқибатда подстанциясининг 2-трансформаторидаги юкламани меъёрида ушлаш учун Чилонзор туманининг 1,2,4 ва 5-мавзеларида электр таъминотида қисқа муддатли узилишлар кузатилмоқда.
Воқеа жойига зудлик билан етиб борган Энергетика вазирлиги ходимлари, Узэнергоинспекция ҳамда «Ҳудудий электр тармоқлари» АЖ раҳбарлари томонидан вазият назоратга олинган.
Авария юзага келишига йўл қўйган Тошкент шаҳри электр тармоқлари корхонаси бўлим бошлиғи лавозимидан озод этилди ва Чилонзор туман электр таъминоти корхонаси бошлиғига қатъий огоҳлантириш берилди. Ҳозирда мутахассислар томонидан трансформаторни созлаш ишлари давом этмоқда.
Изоҳ (0)