Вазирлар Маҳкамаси қарори билан гидропоника (ўсимликларни тупроқсиз сунъий муҳитда етиштириш) усулида чорва молларига озуқа етиштириш ускуналарини харид қилган чорвачилик субъектларига субсидия ажратиш тартиби тўғрисидаги вақтинчалик низом тасдиқланди.
Низомга мувофиқ, гидропоника усулида озуқа етиштириш ускуналарини харид қилиш харажатининг 20 фоизи, ускуна қийматининг 100 миллион сўмдан ошмаган қисми республика бюджетидан қоплаб берилади. Субсидия олиш учун my.vetgov.uz ёки ЯИДХП (my.gov.uz) орқали ҳудудий «Чорванасл» маркази туман вакилига мурожаат қилинади.
Аризага қуйидагилар илова қилинади:
- ускуналарни ўрнатиш бўйича шартнома ва ҳисобварақ-фактура ҳужжатлари нусхаси;
- ускуналар импорт қилинганда божхона юк декларацияси нусхаси.
Агентлик йил давомида субсидия олувчилардан тушган аризаларни умумлаштириб пул ажратиш учун Молия вазирлигига буюртма беради. Молия вазирлиги 1 иш кунида субсидияни ариза берувчининг ҳисобрақамига ўтказиб беради.
Изоҳ (0)