Чемпионлар Лигаси плей-офф босқичига йўл олган жамоалар сони 14 тага етди

Европа Чемпионлар Лигасининг тўртта гуруҳида 1 ноябрь, сешанба куни 6-тур баҳслари бўлиб ўтди.

Мазкур ўйинлар якунига кўра «Айнтрахт» ва «Тоттенҳэм» плей-офф босқичига йўлланмани қўлга киритди. «Шпорлар» сўнгги дақиқалардаги гол эвазига биринчи ўринни қўлга киритди, немис клуби эса иккинчи ўрин билан кейинги босқичга йўл олди.

Аввалроқ «Интер», «Порту», «Ливерпуль», «Манчестер Сити», «Наполи», «Реал», «Бавария», «Брюгге», «Боруссия Д», «Челси», «ПСЖ» ва «Бенфика» гуруҳ масаласини ҳал қилганди.

2 ноябрь кунги баҳсларда яна икки йўлланма ўз эгасини топади. E гуруҳида «Милан» 2-ўрин учун «Зальцбург» билан кураш олиб боради. F гуруҳида эса «Шахтёр» имкониятни сақлаб турибди, бунинг учун украин клуб «Лейпциг»ни енгиши керак.