«Арсенал» АПЛда ўз тарихидаги энг яхши стартни қайд этди

Лондоннинг «Арсенал» жамоаси Англия Премер Лигасида етакчилик қилмоқда.

«Канонирлар» ортда қолган 12 турдан сўнг 31 очко жамғарган ҳолда мусобақа жадвалида 1-ўринда бормоқда. Бу клуб тарихидаги энг яхши старт ҳисобланади.

Лондонликларнинг афсонавий мураббийи Арсен Венгер даврида ҳам бундай старт бўлмаган. Венгер бошчилигидаги «Арсенал»нинг мағлубиятсиз мавсумида (2003/04 йилги мавсум) ҳам жамоа 12 турдан сўнг 30 очко жамғарган.

«Арсенал»нинг жорий мавсумдаги энг яқин таъқибчиси «Манчестер Сити»да 29 очко мавжуд. Микель Артета шогирдлари кейинги турда Лондон дербисида «Челси» майдонига сафар қилади. Учрашув 6 ноябрь куни бўлиб ўтади.