Хави: «Барселона»нинг ўзи ЕЧЛни бой берди. Хатолар ва ҳакамлар қарори плей-оффга чиқиш имконини бермади

«Барселона» бош мураббийи Хави Чемпионлар Лигаси 6-тури доирасида кечадиган «Виктория Плзен»га қарши баҳс олдидан ўз фикрларини билдирар экан, мусобақадаги муваффақиятсиз иштирок ҳақида гапирди.

Биз ўзимиз уни қўлдан чиқардик. Имконият бор эди, аммо хатоларимиз, ёқимсиз вазиятлар ва ҳакамлар қарорлари туфайли у бизни четлаб ўтди.

Мюнхенда яхши ўйин кўрсатиб, гол ура олмадик, «Интер»га қарши ўйинни назорат қилиб, дуранг ўйнадик. Барчаси ўзимизга боғлиқ эди.

Биз энди ҳеч нарса учун курашмаяпмиз, бироқ «Виктория»га қарши баҳс барибир муҳим бўлиб қолади. Чемпионлар Лигасини ижобий нотада якунламоқчимиз.

Бизга тажриба етишмаяпти. Ёш футболчиларимиз кўп ва сўнгги йиллардаги энг қийин гуруҳга тушиб қолдик. Жароҳатларимиз ҳам бор эди, албатта, бу ўзимизни оқлаш учун сабаб бўлмайди, аммо у ҳам халақит берди.

Ўтган йилги таркибга ҳурмат сақлаган ҳолда айтаманки, жорий мавсум таркибни кучайтирдик ва Европада ўзимизни яхши томондан кўрсата олдик. Лекин вазифани уддалай олмадик.

Вазиятга ижобий ёндашаман. Биз тўғри йўлдамиз деб ўйлайман, фақатгина вақт керак.

2023 йилда албатта нимадир қўлга киритамиз. Келинг, вариантларимиз қандай эканлигини билиш учун 2023 йилга қадар кутамиз.

Ла Лигада яхши ҳаракат қиляпмиз. Чемпионлар Лигасининг энг қийин гуруҳида гарчи муваффақиятсиз бўлса-да, курашишга ҳаракат қилдик.

Ўйин режасига келадиган бўлсак, кутганимиздан камроқ бўлса ҳам олдинга қадам ташлай олдик. Хотиржамликни сақлаган ҳолда ишлашда давом этиш лозим.

Хави, «Барселона» бош мураббийи

Каталонияликлар «Бавария», «Интер» ва «Виктория» билан бир гуруҳга тушиб, ортда қолган 5 турдан сўнг 4 очко билан 3-ўринни эгаллаб турибди. «Кўк-анорранглилар» плей-офф йўлланмасини қўлдан чиқарган.