ЕЧЛ. «Барселона» 6 та гол урилган ўйинда рақиби устидан ишончли ғалабани қўлга киритди, «Бавария» «Интер»ни мағлуб этди
Футбол бўйича Чемпионлар Лигасининг 6-турида C гуруҳининг икки ўйини бўлиб ўтди.
«Бавария» ўз майдонида «Интер»ни қабул қилди. Учрашувнинг 32-дақиқасида Бенжамен Павар ҳисобни очди. 72-дақиқада эса Эрик Максим Шупо-Мотинг мюнхенликларнинг иккинчи голига муаллифлик қилди. Шу тариқа Юлиан Нагелсманн жамоаси 2:0 ҳисобида зафар қучди.
«Барселона» эса «Виктория» билан баҳс олиб борди ва 4:2 ҳисобида ғалаба қозонди. Каталонияликлар сафида Маркос Алонсо ва Пабло Торре биттадан гол урган бўлса, Ферран Торрес дублни расмийлаштирди. Чехия клуби сафида Томас Хори иккита гол муаллифига айланди.
C гуруҳида «Бавария» юз фоизлик натижа билан плей-оффга йўл олди. «Интер» 10 очко билан 2-поғонани эгаллади. «Барселона» эса 7 очко жамғарган ҳолда Европа Лигасига йўл олди. «Виктория» бирорта очко йиға олмасдан, гуруҳни якунлади.
ЕЧЛ
6-тур баҳслари
1 ноябрь, сешанба
«Бавария» – «Интер» 2:0
Голлар: 1:0 – 32 Павар, 2:0 – 72 Шупо-Мотинг.«Бавария»: Ульрайх, Мазрауи (Мусиала, 65), Упамекано (Дэвис, 46), Павар, Станишич, Забитцер, Киммих, Гравенберх, Шупо-Мотинг (Тел, 73), Мане (Гнабри, 66), Коман (Ваннер, 76).
«Интер: Онана, Bellaнова, Дармиан, де Врей (Шкриньяр, 76), Ачерби, Гозенс, Гальярдини (Чалҳанўғлу, 60), Барелла (Мхитарян, 60), Аслани, Корреа (Карбони, 76), Мартинес (Жеко, 60).
Огоҳлантиришлар: Забитцер (38), Гозенс (40), Киммих (48), Станишич (88), Карбони (90).
«Виктория» – «Барселона» 2:4
Голлар: 0:1 – 6 Алонсо, 0:2 – 44 Ферран Торрес, 1:2 – 51 Хори (пенальти), 1:3 – 54 Ферран Торрес, 2:3 – 63 Хори, 2:4 – 75 Торре.«Виктория»: Станек, Голик, Гейда, Перниса, Емелка (Гавел, 57), Пиларж (Кронус, 88), Влканова, Калвах (Чермак, 78), Йирка, Ндиай (Буха, 57), Хори (Басси, 79).
«Барселона»: Пеня, Бельерин, Пике, Алонсо, Альба (Бальде, 57), Кессиэ (Касадо, 67), Торре (Альваро Санс, 78), Гави, Рафинья (Дембеле, 78), Ферран Торрес, Фати.
Огоҳлантиришлар: Гави (42), Ндиай (47), Торре (50), Ферран Торрес (90).
