Бугун,

  • USD 11095.31
  • RUB 173.84
  • EUR 10772.44

Кўриш қобилиятининг ёмонлашиши — инсонлар азият чекадиган энг кенг тарқалган фобиялардан бири. Афсуски, ёшга боғлиқ узоқни кўриш қобилиятининг ёмонлашишини олдини олишнинг деярли имкони йўқ, бироқ бошқа кўз касалликлари хавфини камайтириш мумкин. «Новий очаг» нашри катаракт, глаукома ва кўзларнинг қуруқлашиш хавфини камайтиришга ёрдам берадиган маслаҳатларни тақдим этди. Нафақат сабзи ва кўз машқлари: бу оддий маслаҳатлар кўзингизни касалликлардан ҳимоя қилишга ва қариликгача яхши кўришга ёрдам беради.

Фото: «Новий очаг»

Фото: «Новий очаг»

Ҳафтада камида икки марта исмалоқ истеъмол қилинг

Исмалоқ таркибида ёшга боғлиқ сариқ нуқта дегенерациясини олдини оладиган, фойдали модда бўлган лютеин миқдори кўп. Америка дегенерацияси жамғармаси томонидан ўтказилган тадқиқот шуни кўрсатдики, ҳафтасига икки марта ярим порция исмалоқ истеъмол қилиш кўз касаллиги хавфини сезиларли даражада камайтиради ва кексаликда ҳам кўриш қобилиятини сақлаб қолишга ёрдам беради.

Мониторни кўриш масофасидан узоқроққа ўрнатинг

Компьютерда ишлаётганда монитор кўриш масофасидан пастда жойлашганлигига эътибор беринг. Ишлаётганингизда кўзларингиз қисман кўз қовоқлари билан қопланади, бу эса ўз навбатида суюқликнинг буғланишини камайтиради ва қуруқ кўз синдроми ривожланишининг олдини олишга ёрдам беради.

Жисмоний тарбия билан шуғулланиш

Спорт ҳақиқатан ҳам соғлиқни, шу жумладан кўз саломатлигини яхшилайди. Мунтазам жисмоний машқлар билан шуғулланиш қон айланишини яхшилайди ва бунинг натижасида тананинг барча аъзолари кислород билан яхши таъминланади. Ҳафтада камида 150 дақиқа машқ қилишга ҳаракат қилинг — бу глаукома ривожланиш хавфини 40 фоизга камайтиради.

Ёғли балиқ истеъмол қилинг

Омега-3 ёғ кислоталарига бой лосос, сардина, тунец, палтус ва бошқа ёғли балиқлар нафақат қон томирлари ва юрак учун фойдали, кўриш қобилиятини ҳам яхшилайди. Узоқ вақт давомида кўриш қобилиятининг яхши сақланиши учун ҳафтада камида икки марта балиқ истеъмол қилинг.

Транс ёғларидан сақланинг

Тайёр ширинликлар, чипслар, айниқса, кўп қовурилган овқатлар соғлигимиз ва кўриш қобилияти учун хавфли ҳисобланади. Уларни тез-тез истеъмол қилиш яширин яллиғланиш жараёнини кучайтиради ва ёшга боғлиқ макула дегенерацияси тез пайдо бўлади, кейин эса кўриш қобилиятини ёмонлашади.

Қуёшдан ҳимоя қилувчи кўзойнакларини тақинг

Иложи борича UVA ва UVB нурларини тўсадиган қуёшдан сақлайдиган кўзойнакларни танланг. Ультрабинафша нурланиш линзаларнинг оқсилларига зарар етказади, бу эса ёшга боғлиқ катаракт хавфини оширади. Кўзойнак тақиш нафақат ёз ва баҳорда, балки қишда ҳам муҳим: қорда акс этадиган қуёш нурлари кўзларингизга жиддий зарар етказиши мумкин.

Аллергиянгиз бор ёки йўқлигини аниқлаш учун тестдан ўтинг

Агар кўзларингиз тез-тез қичийдиган бўлса, бу инфекциянинг белгиси бўлиши мумкин ёки ривожланаётган аллергияни кўрсатиши мумкин. Бундан ташқари, оғриётган кўзларингизни доимий равишда ишқалаш конъюнктивит ва бошқа кўз инфекцияларининг ривожланиш хавфини ошириши мумкин. Шунинг учун, агар аллергиянгиз борлигига шубҳа қилсангиз, шифокор билан маслаҳатлашинг ва унинг барча тавсияларига риоя қилинг.

Чекманг

Мунтазам чекиш нафақат кўриш қобилиятига, балки рангларни ажратиш қобилиятига ҳам таъсир қилиши мумкин. Psychiatry Research’да чоп этилган тадқиқот шуни кўрсатдики, вақт ўтиши билан чекувчиларнинг қизил-яшил ва кўк-сариқ рангларни ажратиш қобилияти пасаяди. Бундан ташқари, кунига бир қути ёки ундан кўп сигарет чекиш, охир-оқибат, контрастни фарқлаш қобилиятини ҳам пасайтиради.

Мавзуга доир:

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди